साढे ८ प्रतिशतले घट्यो नेप्से

काठमाडौँ । साताको पहिलो करोबारको दिन शेयर बजार घटेको छ । शेयर बजार परिसूचक नेप्से आज आइतबार ८ दशमलव ५७ अङ्कले घटेर २ हजार ६७९ दशमलव ९८ विन्दुमा झरेको छ ।

नेप्सेसँगै कारोबार रकम पनि घटेको यसदिन ३१४ वटा कम्पनीका १ करोड ८५ लाख कित्ता शेयर ७ अर्ब ६० करोड रुपैयाँमा किनबेच भएको छ । सबैभन्दा धेरै राधि विद्युत कम्पनिको ७१ करोड ४९ लाखको शेयर किनबेच भयो ।

आज माइक्रोफाइनान्स र व्यापार बाहेक सबै समूहको शेयर घटेकोमा म्युचल फन्ड समूहको शेयर झन्डै ३ प्रतिशतले ओरालो लागेको छ । यस्तै होटल समूहको शेयर १ दशमलव ७५ र विकास बैंक समूहको शेयर १ दशमलव ४६ प्रतिशतले घटेको छ ।

यसदिन सिन्धु विकास बैंकको शेयर सबैभन्दा धेरै ८ दशमलव २८ प्रतिशतले घटेको छ । समग्रमा बजार घटेको दिन ओम मेगाश्री फर्मास्युटिकल्स कम्पनीको शेयर भने १० प्रतिशतले बढेको छ ।