सेतो खबर
काठमाडौं । नेकपा एमालेका अध्यक्ष केपी शर्मा ओली, नेपाली कम्युनिस्ट पार्टीका संयोजक पुष्पकमल दाहाल, (नेकपा)का सह–संयोजक माधव कुमार नेपाल र वरिष्ठ नेता झलनाथ खनाल एकै मञ्चमा देखिएका छन्।
पूर्व राष्ट्रपति तथा एमाले नेतृ विद्यादेवी भण्डारीलाई बीचमा राखेर कम्युनिस्ट आन्दोलनका शीर्ष नेताहरू आज एउटै कार्यक्रममा सहभागी भएका हुन्।
मदन भण्डारी फाउण्डेसनले जननेता मदन भण्डारीको ७५औँ जन्मजयन्तीका अवसरमा राष्ट्रिय सभागृहमा आयोजना गरेको विशेष कार्यक्रममा ओली, प्रचण्ड, माधव नेपाल, झलनाथ खनाललगायतका कम्युनिस्ट नेताहरूको उपस्थिति रहेको थियो।
लामो समयपछि प्रमुख कम्युनिस्ट नेताहरू एउटै मञ्चमा देखिएपछि उक्त कार्यक्रमले राजनीतिक वृत्तमा विशेष चासोको विषय बनेको छ। नेताहरूबीच औपचारिक भेटघाट र शुभकामना आदान–प्रदानसमेत भएको कार्यक्रममा विभिन्न राजनीतिक दलका नेता, कार्यकर्ता तथा शुभेच्छुकहरूको उल्लेखनीय उपस्थिति रहेको थियो।
काठमाडौं । भावी प्रधानन्यायाधीश नियुक्तिका लागि सिफारिस गर्ने उद्देश्यले आज संवैधानिक परिषद्को बैठक बस्दैछ। परिषद्का अध्यक्ष तथा प्रधानमन्त्री बालेन्द्र शाह... विस्तृतमा
