रास्वपाको पाँचथर–काठमाडौँ सम्पर्क समिति गठन, कोशीका पहाडी जिल्लामा संगठन विस्तारको लक्ष्य

काठमाडौं । राष्ट्रिय स्वतन्त्र पार्टी (रास्वपा)ले संगठन विस्तार अभियानलाई थप तीव्रता दिँदै पाँचथर–काठमाडौँ सम्पर्क समिति गठन गरेको छ। राजधानीमा बसोबास गर्ने पाँचथरवासी समर्थक तथा शुभेच्छुकहरूलाई संगठित गर्दै पार्टी गतिविधिलाई प्रभावकारी बनाउने उद्देश्यले समिति गठन गरिएको हो।

पार्टी स्रोतका अनुसार नवगठित समितीले काठमाडौँ र पाँचथरबीच समन्वय मजबुत बनाउँदै संगठन सुदृढीकरण, जनसम्पर्क विस्तार तथा सामाजिक–राजनीतिक गतिविधिहरू सञ्चालन गर्ने योजना अघि सारेको छ। यसले पार्टीको पहुँच विस्तार गर्न तथा नयाँ सदस्य आकर्षित गर्न महत्त्वपूर्ण भूमिका खेल्ने अपेक्षा गरिएको छ।

समितीको सल्लाहकारमा श्याम गुरुङ चयन भएका छन् भने सभापतिमा कबिहाङ सेलिङलाई जिम्मेवारी दिइएको छ। उपसभापतिमा हेमा लिम्बू फेवदिन र उत्सव तिम्लसिना चयन भएका छन्। सचिवको जिम्मेवारी दिनेस माबो किरातीले सम्हाल्ने भएका छन् भने सह–सचिवमा दिक्षा ढकाल चयन भएकी छन्।

त्यसैगरी, आर्थिक व्यवस्थापनका लागि कोषाध्यक्षमा माया देवी चौहान र सह–कोषाध्यक्षमा स्मृति निरौला चयन गरिएको छ।

समितीमा विभिन्न क्षेत्र, पेशा र समुदायका प्रतिनिधित्व सुनिश्चित गर्दै ठूलो संख्यामा सदस्यहरू समावेश गरिएको छ। यसले संगठनलाई समावेशी र व्यापक बनाउने लक्ष्य लिएको देखिन्छ। सदस्यहरूमा बिक्रम नुगो, कार्बन हाङ सेलिङ, मनोज नुगो, मनकुमार सेलिङ, पृथ्वी राज चौहान, मन कुमार नुगो, सनम नुगो, रन्जित सेलिङ, आयुस सेलिङ, बृख नुगो, सदिक्षा राई, चन्द्रबहादुर सावदेन, अम्बिका नेम्बाङ, केसर चेम्जोङ, सुरेन्द्र चेम्जोङ, सुजन घिमिरे, भिम नेम्बाङ, रबना पराजुली, सुवास भण्डारी, दिनेस योङहाङ, कमल श्रेष्ठ, गोपाल गुरुङ, राजेन्द्र खत्री, महेन्द्र सम्बाहाम्फे, छवि लावती, मिनसन फागो, नवीन भण्डारी, लेखनाथ भट्टराई, दिपेन अधिकारी, वारिस तिवारी, भुपाल न्यौपाने, सुरेन्द्र न्यौपाने, विज्ञान प्रसाईं र छत्रबहादुर न्यौपाने रहेका छन्।

पार्टीले नयाँ समिति गठनसँगै आगामी दिनमा प्रशिक्षण, अन्तरक्रिया, जनसम्पर्क अभियान, सामाजिक सेवा तथा नीतिगत छलफलका कार्यक्रम सञ्चालन गर्ने रणनीति बनाएको जनाएको छ। साथै स्थानीय समस्याहरू उठान गर्ने, युवाहरूको सक्रिय सहभागिता सुनिश्चित गर्ने र नीति निर्माण प्रक्रियामा प्रभावकारी भूमिका खेल्ने लक्ष्य पनि समितीले राखेको छ।

यसैबीच, रास्वपाले कोशी प्रदेशका पहाडी जिल्लाहरूमा समेत संगठन विस्तारलाई प्राथमिकता दिएको जनाएको छ। विभिन्न क्षेत्रका व्यक्तिहरूलाई पार्टीमा आबद्ध गराउँदै जिल्लास्तरमै सशक्त र प्रभावकारी संगठन निर्माण गर्ने दीर्घकालीन लक्ष्य लिएको पार्टी स्रोतले जनाएको छ।

नयाँ समिति गठनसँगै रास्वपाले आफ्नो संगठनात्मक आधार अझ मजबुत बनाउँदै राष्ट्रिय राजनीतिक गतिविधिमा सक्रिय उपस्थिति जनाउने तयारी गरेको संकेत देखिएको छ।