सेतो खबर
काठमाडौं । नेकपा एमालेसम्बद्ध राष्ट्रिय युवा संघमा आबद्ध ‘निरे’ भनेर चिनिने निराजन पौडेल पक्राउ परेका छन्।
काठमाडौं महानगरपालिका–३ बसुन्धारा घर भएका पौडेललाई वैशाख ३ गते बालुवाटार क्षेत्रबाट पक्राउ गरिएको जिल्ला प्रहरी परिसर, काठमाडौंले जनाएको छ।
प्रहरीका अनुसार उनीविरुद्ध ज्यान मार्ने उद्योग, हातहतियार तथा अभद्र व्यवहारसँग सम्बन्धित विभिन्न घटनामा संलग्न रहेको आरोपमा मौखिक तथा लिखित उजुरी परेपछि पक्राउ गरिएको हो। परिसरका प्रवक्ता एसपी पवनकुमार भट्टराईले उनीविरुद्ध अभद्र व्यवहार मुद्दामा म्याद थप गरी अनुसन्धान अघि बढाइएको जानकारी दिए।
पौडेलविरुद्ध अन्य आपराधिक गतिविधिसम्बन्धी आरोपमा समेत अनुसन्धान जारी रहेको प्रहरीले जनाएको छ। पछिल्लो समय ठेक्कापट्टा व्यवसायमा संलग्न उनी विवादास्पद पृष्ठभूमिका ‘चक्रे मिलन’ समूहसँग निकट रहेको र गुण्डागर्दीमा संलग्न रहेको आरोप लाग्दै आएको छ।
यसअघि पनि उनीविरुद्ध हातहतियार, ज्यान मार्ने उद्योग र अभद्र व्यवहारसम्बन्धी ६ वटा मुद्दा दर्ता भएका थिए। पछिल्लो पक्राउसँगै उनी सातौँ मुद्दामा अनुसन्धानको दायरामा आएका छन्।
प्रहरीले घटनासम्बन्धी थप अनुसन्धान जारी रहेको जनाएको छ।
काठमाडौं । भावी प्रधानन्यायाधीश नियुक्तिका लागि सिफारिस गर्ने उद्देश्यले आज संवैधानिक परिषद्को बैठक बस्दैछ। परिषद्का अध्यक्ष तथा प्रधानमन्त्री बालेन्द्र शाह... विस्तृतमा
