नवनियुक्त मन्त्रीहरुले लिए शपथ

काठमाडौं — प्रधानमन्त्री बालेन्द्र शाह ‘बालेन’ नेतृत्वमा नियुक्त मन्त्रीहरूले पद तथा गोपनीयताको शपथ ग्रहण गरेका छन्।

राष्ट्रपति भवन शीतल निवासमा आयोजित विशेष समारोहमा राष्ट्रपति रामचन्द्र पौडेलले नवनियुक्त मन्त्रीहरूलाई पद तथा गोपनीयताको शपथ गराएका हुन्। त्यसअघि राष्ट्रपति पौडेलले प्रधानमन्त्री बालेनलाई पनि शपथ ग्रहण गराएका थिए।

प्रधानमन्त्री बालेन नेतृत्वमा १४ सदस्यीय मन्त्रिपरिषद् गठन गरिएको छ, जसमा पाँच जना महिला मन्त्रीहरूको सहभागिता रहेको छ। नयाँ मन्त्रिपरिषद्ले समावेशी प्रतिनिधित्वलाई प्राथमिकता दिएको बताइएको छ।

शपथ ग्रहण सम्पन्न भएसँगै नवनियुक्त प्रधानमन्त्री तथा मन्त्रीहरूले आजै सिंहदरबारमा पदभार ग्रहण गर्ने कार्यक्रम रहेको छ। नयाँ सरकार गठनसँगै आगामी नीति, कार्यक्रम तथा कार्यदिशाबारे चासो बढेको छ।

• बालेन्द्र शाह, प्रधानमन्त्री तथा मन्त्रिपरिषद्
• स्वर्णिम वाग्ले, अर्थ मन्त्रालय
• शिशिर खनाल, परराष्ट्र मन्त्रालय
• सोविता गौतम, कानूनमन्त्री
• विराजभक्त श्रेष्ठ, ऊर्जा, जलस्रोत तथा सिँचाईमन्त्री
• सुधन गुरुङ, गृहमन्त्री
• प्रतिभा रावल, भूमि, व्यवस्था, सहकारी तथा गरिबी निवारण र संघीय मामिला तथा समान्य प्रशासनमन्त्री
• विक्रम तिमल्सिना, सञ्चार तथा सूचना प्रविधिमन्त्र ी
• गीता चौधरी, कृषि तथा पशुपक्षी विकास तथा वन तथा वातावरणमन्त्री
• दिपक कुमार साह, श्रम, रोजगारमन्त्री
• सस्मित पोखरेल, शिक्षा, युवा तथा खेलकुद
• खडक पौडेल, संस्कृति, पर्यटन तथा नागरिक उड्ययनमन्त्री
• सुनिल लम्साल, भौतिक पूर्वाधार तथा यातायात र सहरी विकासमन्त्री
• सीता वादी, महिला, बालबालिका तथा ज्येष्ठ नागरिकमन्त्री
• निशा मेहता, स्वास्थ्य तथा जनसंख्या साथै खानेपानी मन्त्रालय मन्त्री
  साथै रक्षा ,उद्योग वाणिज्य तथा आपूर्ति मन्त्रालय प्रधानमन्त्री स्वयमले सम्हाल्ने छन् ।