सेतो खबर
काठमाडौं । यस वर्षको होली पर्वका अवसरमा काठमाडौंमा सार्वजनिक स्थानमा सांगीतिक कार्यक्रम, मेला तथा महोत्सव आयोजना गर्न रोक लगाइएको छ।
जिल्ला प्रशासन कार्यालय काठमाडौं ले निर्वाचनलक्षित सुरक्षा व्यवस्थालाई ध्यानमा राख्दै यस्तो निर्णय गरिएको जनाएको छ।
कार्यालयका सहायक प्रमुख जिल्ला अधिकारी मुक्तिराम रिजालद्वारा जारी सूचनामा खुला सडक तथा सार्वजनिक स्थानमा भीड जम्मा गर्ने, मेला–महोत्सव सञ्चालन गर्ने, मञ्च बनाएर सांगीतिक कार्यक्रम गर्ने, साथै मादक पदार्थको बिक्री वितरण तथा सेवन नगर्न सबैलाई अनुरोध गरिएको छ।
प्रशासनले होली खेल्ने क्रममा उम्मेदवारको तस्बिर अंकित टिसर्ट वा प्रचार सामग्री प्रयोग नगर्न पनि निर्देशन दिएको छ। निर्वाचन आचारसंहिता विपरीत कुनै गतिविधि नगर्न सचेत गराइएको छ।
साथै, शान्तिपूर्ण वातावरण कायम राख्दै आफ्नै घर वरिपरि सीमित रूपमा मात्र होली मनाउन प्रशासनले आग्रह गरेको छ।
युवराज गौतम / काठमाडौँ । मुलुकमा यतिबेला प्रतिनिधि सभा निर्वाचनको तयारी भइरहेको छ । आगामी फागुन २१ गतेका लागि तोकिएको निर्वाचनमा विदेशमा बस्ने नेपालीहरुलाई कसरी सहभागि... विस्तृतमा
