सेतो खबर
काठमाडौं । केपी शर्मा ओलीले आगामी फागुन २१ गते हुने निर्वाचनलाई लक्षित गर्दै प्रत्येक मतदान बुथमा कम्तीमा ३० जना सदस्य रहने गरी भोलेन्टियर फोर्स गठन गर्न निर्देशन दिएका छन्।
दमकमा आयोजित नेसनल भोलेन्टियर फोर्स कोशी युनिफाइड कमान्ड घोषणा सभालाई सम्बोधन गर्दै Communist Party of Nepal (Unified Marxist–Leninist)का अध्यक्ष ओलीले पार्टीका सबै तहका कमिटीहरूलाई सक्रिय रूपमा स्वयंसेवक परिचालन गर्न आग्रह गरे।
उनले देशमा शान्ति, सुशासन र विकास सुनिश्चित गर्न संगठित जनशक्तिको आवश्यकता रहेको बताए। “राज्य संयन्त्रमा मात्र भर पर्नु पर्याप्त हुँदैन। जनशक्तिको महत्व बुझ्नुपर्छ, अधिकारका लागि सजग र संगठित हुनुपर्छ,” उनले भने।
ओलीले नेकपा एमाले शान्ति र स्थायित्वको पक्षमा रहेको उल्लेख गर्दै लोकतान्त्रिक प्रणालीमार्फत देशलाई समृद्धिको दिशामा अघि बढाउनुपर्ने धारणा व्यक्त गरे।
विगतका हिंसात्मक घटनाको स्मरण गर्दै उनले राज्यका महत्वपूर्ण संरचनामाथि आक्रमण भएको प्रसंग उठाए। “घर, कार्यालय, संसद भवन, सर्वोच्च अदालत र सिंहदरबारसम्म आक्रमण भएका घटनाबाट हामीले शिक्षा लिनुपर्छ। अब यस्ता गतिविधि सह्य हुँदैनन्,” उनले चेतावनी दिए।
अध्यक्ष ओलीले निर्वाचनलाई मर्यादित, सुरक्षित र व्यवस्थित बनाउन पार्टीका कार्यकर्ता तथा स्वयंसेवकहरू जिम्मेवार ढंगले परिचालित हुनुपर्नेमा जोड दिए।
काठमाडौं । स्पेनले अर्जेन्टिनालाई १–० ले पराजित गर्दै सन् २०२६ को फिफा विश्वकपको उपाधि जितेपछि विश्व फुटबलमा युवा स्टार लामिन यामाल सबैभन्दा बढी चर्चामा रहे। फाइनलमा... विस्तृतमा
