धादिङ बस दुर्घटना अपडेट: मृतकको संख्या १९ पुग्यो

धादिङ । धादिङमा यात्रुबाहक बस दुर्घटना हुँदा मृत्यु हुनेको संख्या १९ पुगेको छ। जिल्ला प्रहरी कार्यालय धादिङका अनुसार घटनास्थलमै १७ जना र थप २ जनाको उपचारका क्रममा मृत्यु भएको हो। मृतकहरूको पहिचान हालसम्म खुल्न सकेको छैन।

हिजो राति पोखराबाट काठमाडौं आउँदै गरेको ग १ ख १४२१ नम्बरको यात्रुबाहक बस बेनिघाट रोराङ गाउँपालिका–५ भैंसीगौडास्थित Prithvi Highway बाट अनियन्त्रित भई Trishuli River मा खसेर दुर्घटनाग्रस्त भएको थियो।

दुर्घटनालगत्तै उद्धारका लागि सशस्त्र प्रहरी बल नेपालको विपद् व्यवस्थापन बेस आदमघाटबाट टोली परिचालन गरिएको थियो। उद्धार कार्यमा Armed Police Force Nepal, Nepal Police, Nepali Army तथा स्थानीयवासी सक्रिय रूपमा खटिएका थिए।

प्रारम्भिक विवरणअनुसार बसमा चालक र दुई जना कर्मचारीसहित ३७ जना रहेको जनाइएको थियो। तर बाटोमा थप यात्रु चढाइएको र कुल ४५ जना यात्रारत रहेको Armed Police Force Nepal ले पुष्टि गरेको छ।

दुर्घटनामा घाइते भएकाहरूको पहिचान खुलेको प्रहरीले जनाएको छ। केही घाइतेलाई स्थानीय अस्पतालमा उपचार गरिएको छ भने अधिकांशलाई काठमाडौं पठाइएको छ। कलंकीस्थित नेशनल अस्पतालमा १० जना र काठमाडौंको ट्रमा सेन्टरमा १४ जनाको उपचार भइरहेको प्रहरीले जनाएको छ।

दुर्घटनाको कारणबारे अनुसन्धान भइरहेको प्रहरीले जनाएको छ।