सेतो खबर
काठमाडौं । जेनजी आन्दोलनपछि प्रहरी संगठनको मनोबल उकास्न विभिन्न विकल्पबारे छलफल चलिरहेका बेला गृह मन्त्रालयले प्रहरी कर्मचारीको रासन स्केल वृद्धि गर्ने प्रक्रिया अघि बढाएको छ।
प्रहरी प्रधान कार्यालयले पेस गरेको प्रस्तावमा गृहमन्त्री ओमप्रकाश अर्यालले सहमति जनाउँदै अर्थ मन्त्रालयसँग आवश्यक स्वीकृति मागेका छन्।
गृह मन्त्रालयका प्रवक्ता आनन्द काफ्लेले विश्व स्वास्थ्य संगठन (WHO) ले तोकेको न्यूनतम पोषण मापदण्डअनुसार रासन स्केल परिमार्जन गर्नुपर्ने भएकाले अर्थ मन्त्रालयलाई अनुरोध गरिएको जानकारी दिए।
हाल उपत्यकामा रहेका प्रहरी कर्मचारीले दैनिक १६ आइटमका लागि २०१ रुपैयाँ पाउँछन्। प्रस्ताव अनुसार यो स्केल सशस्त्र प्रहरी बल र नेपाली सेनाको जस्तै बनाउनुपर्ने माग छ। सेनाले २४ आइटम र सशस्त्र प्रहरीले १९ आइटम राशन पाउँदै आएका छन्।
प्रहरीले जिल्लागत दररेटका आधारमा तीन विकल्पसहित नयाँ प्रस्ताव अघि सारेको छ।
नयाँ दर लागू भएमा १९ आइटम रासन स्केल पुर्याउन करिब ३ अर्ब ६५ करोड रुपैयाँ अतिरिक्त बजेट आवश्यक पर्ने अनुमान गरिएको छ।
काठमाडौं । भावी प्रधानन्यायाधीश नियुक्तिका लागि सिफारिस गर्ने उद्देश्यले आज संवैधानिक परिषद्को बैठक बस्दैछ। परिषद्का अध्यक्ष तथा प्रधानमन्त्री बालेन्द्र शाह... विस्तृतमा
