सेतो खबर
काठमाडौं, ७ मंसिर । प्रधानमन्त्री सुशीला कार्कीविरुद्ध दायर गरिएको अदालतको अवहेलना मुद्दामा सर्वोच्च अदालतले लिखित जवाफ माग्ने आदेश जारी गरेको छ। अधिवक्ता डा. प्रेमराज सिलवाल र प्रतिभा उप्रेतीले दायर गरेको उक्त मुद्दाको सुनुवाइ न्यायाधीशद्वय हरिप्रसाद फुयाल र अब्दुल अजीज मुसलमानको संयुक्त इजलासमा भएको हो।
सुनुवाइपछि इजलासले प्रधानमन्त्री कार्कीलाई ‘अदालतको अवहेलना मुद्दामा किन कारबाही गर्नु नपर्ने?’ भनी लिखित जवाफ पेस गर्न निर्देशन दिएको हो। कार्की विगतमा प्रधानन्यायाधीशसमेत रहेकी थिईन्।
सरकारले ११ देशका राजदूत फिर्ता बोलाउने निर्णयविरुद्ध परेको रिटमा सर्वोच्चले अन्तरिम आदेश जारी गर्दै निर्णय कार्यान्वयन नगर्न भनेको थियो। तर आदेशलगत्तै सरकारले ती राजदूतलाई परराष्ट्र मन्त्रालयमा हाजिर हुन पत्राचार गरेको थियो।
हाल ती राजदूतहरू दैनिक परराष्ट्रमा हाजिर गरी पुनः घर फर्किने क्रम जारी रहेको स्रोतले जनाएको छ।
काठमाडौं । भावी प्रधानन्यायाधीश नियुक्तिका लागि सिफारिस गर्ने उद्देश्यले आज संवैधानिक परिषद्को बैठक बस्दैछ। परिषद्का अध्यक्ष तथा प्रधानमन्त्री बालेन्द्र शाह... विस्तृतमा
