सेतो खबर
काठमाडौं । निर्वाचन आयोगले आगामी फागुन २१ गते (२०७९ साल) हुने प्रतिनिधिसभा सदस्य निर्वाचनको कार्यतालिका स्वीकृत गरेको छ। आयोगका सहसचिव तथा प्रवक्ता नारायणप्रसाद भट्टराईले सोमबार विज्ञप्ति जारी गर्दै निर्वाचन तयारी औपचारिक रूपमा सुरु भएको जानकारी दिएका छन्।
स्वीकृत कार्यतालिकाअनुसार मङ्सिर १ गतेदेखि १० गतेसम्म निर्वाचन प्रयोजनका लागि राजनीतिक दल दर्ताको कार्यक्रम तय गरिएको छ। त्यसका लागि आयोगमा दर्ता कायम राजनीतिक दलले आगामी कात्तिक ३० गतेभित्र निर्वाचन प्रयोजनको प्रमाणपत्र लिनुपर्नेछ।
भट्टराईका अनुसार पहिलो हुने निर्वाचित हुने प्रणाली (FPTP) का लागि माघ २ गतेदेखि निर्वाचन अधिकृतको कार्यालय स्थापना हुनेछ। समानुपातिक निर्वाचन प्रणालीका लागि भने मङ्सिर १५ गते कार्यालय स्थापना र पुस १८ र १९ गते बन्दसूची पेस गर्ने कार्यक्रम तय गरिएको छ।
निर्वाचन प्रचारप्रसार अवधि फागुन ३ देखि १८ गतेसम्म रहनेछ। त्यसपछि फागुन १९ र २० गते प्रचारप्रसार निषेध हुनेछ।
मतदान फागुन २१ गते बिहान ७ बजेदेखि अपराह्न ५ बजेसम्म हुनेछ। मतदान सकिएपछि दुवै प्रणालीका मतपेटिका सङ्कलनपछि मतगणना सुरु गरिने आयोगले जनाएको छ।
आयोगले निर्वाचन प्रक्रिया सुचारु र निष्पक्ष बनाउन राजनीतिक दल र सरोकारवालासँग नियमित परामर्श तथा छलफल गर्ने जनाएको छ।
Screenshot
काठमाडौं । भावी प्रधानन्यायाधीश नियुक्तिका लागि सिफारिस गर्ने उद्देश्यले आज संवैधानिक परिषद्को बैठक बस्दैछ। परिषद्का अध्यक्ष तथा प्रधानमन्त्री बालेन्द्र शाह... विस्तृतमा
