सेतो खबर
काठमाडौं । ‘द भ्वाइस अफ नेपाल’ सिजन ६ को फाइनल प्रतिस्पर्धा शुक्रबार हुँदैछ । विहीबार पत्रकार सम्मेलन गर्दै ‘द भ्वाइस अफ नेपाल’ सिजन ६ का कोच खेम सेन्चुरीले फाइनल प्रतिस्पर्धाको लागि आफ्नो टिमको तयारी राम्रो रहेको बताए ।
उनले आफ्नो टिमका फाइनलिस्ट प्रोसेस पाण्डेलाई भोट दिएर जिताउन आग्रह समेत गरे ।
उनले भने, ‘शुक्रबार हुने फाइनलको लागि एक खालको आशा त छँदैछ । आफ्नो टिमको ट्यालेन्टले जितोस भन्ने कामना छ । सांगीतिक यात्रा गर्दैगर्दा मेरो टिमबाट फाइनलिष्ट प्रोसेस पाण्डे हुनु भएको छ । त्यसैले मंैले फाइनलिष्ट प्रोसेसको लागि भोटको अपिल गरेको छु ।’
यसैगरी फाइनलिस्ट पाण्डेले पनि भोटको अपिल गरेका छन् । उनले मैदानमा आइसकेपछि जित वा हार हुने भएपनि आफू र आफ्ना कोच खेमलाई जिताउन अपिल गरे ।
उनले भने, ‘मैदानमा आइसकेपछि अब जित वा हार नै हुने हो । म भित्र डर पनि छ, उत्साह पनि छ । सम्पूर्णलाई धेरै भन्दा धेरै भोट गरेर टिम खेमलाई जिताइदिन आग्रह गर्छु ।’
काठमाडौं । काठमाडौं उपत्यकालगायत देशका विभिन्न शहरहरु पछिल्लो समय वायु प्रदूषणको जोखिममा परेका छन् । जसका कारण मानव स्वास्थ्यमा गम्भीर समस्याहरु देखिरहेका छन् । साथै... विस्तृतमा
