सेतो खबर
काठमाडौं । नेकपा एमालेका सचिव महेश बस्नेतले भोटेकोशी बाढीपहिरोमा ज्यान गुमाएका नेपाली नागरिकको शव पहिचान गरी सम्मानपूर्वक परिवारलाई जिम्मा लगाउन नसकेको भन्दै सरकारको आलोचना गरेका छन् ।
सामाजिक सञ्जालमार्फत बस्नेतले विदेशबाट नेपाली नागरिकको शव घरसम्म ल्याउन सकिने भए पनि आफ्नै देशमा बाढीपहिरोमा ज्यान गुमाएका सयौँ नेपालीको शव पहिचान गरी परिवारलाई जिम्मा लगाउन नसक्नु दुःखद् भएको बताएका छन् ।
उनका अनुसार चितवनमा संकलन गरिएका २३३ शवमध्ये २२९ शव पहिचान हुन नसकेको र जमिनमुनि व्यवस्थापन गर्नुपर्ने अवस्था आएको छ । उनले यसलाई अत्यन्तै पीडादायी र राज्यको संवेदनहीनताको उदाहरण भएको टिप्पणी गरेका छन् ।
बस्नेतले भनेका छन्, ‘नागरिकलाई बर्ड फ्लु लागेको कुखुराजस्तो व्यवहार गर्नु दुर्भाग्यपूर्ण हो।’
हरेक शवको पहिचान गरी सम्मानपूर्वक परिवारलाई जिम्मा लगाउनु राज्यको न्यूनतम दायित्व भएको बताउँदै उनले प्रधानमन्त्री राहत कोषमा रहेको रकममध्ये केही हिस्सा शव पहिचान तथा पीडित परिवारको सहयोगमा खर्च गर्न सरकारसँग माग गरेका छन्।
काठमाडौं । स्पेनले अर्जेन्टिनालाई १–० ले पराजित गर्दै सन् २०२६ को फिफा विश्वकपको उपाधि जितेपछि विश्व फुटबलमा युवा स्टार लामिन यामाल सबैभन्दा बढी चर्चामा रहे। फाइनलमा... विस्तृतमा
