सेतो खबर
काठमाडौं — नेपाल प्रहरीका महानिरीक्षक (आईजीपी) दानबहादुर कार्की संयुक्त राष्ट्रसंघ (यूएन) को प्रधान कार्यालय, न्युयोर्कमा आयोजित पाँचौँ *United Nations Chiefs of Police Summit (UNCOPS) 2026* मा सहभागी भई स्वदेश फर्किएका छन्।
महानिरीक्षक कार्कीको नेतृत्वमा रहेको नेपाली प्रतिनिधिमण्डलले सम्मेलनका क्रममा विश्वभरका प्रहरी संगठनबीच सहकार्य, संयुक्त राष्ट्रसंघीय शान्ति स्थापना अभियान तथा अन्तर्राष्ट्रिय सुरक्षा चुनौतीसँग सम्बन्धित विविध विषयमा आयोजित उच्चस्तरीय छलफलमा सहभागिता जनाएको थियो।
कार्कीसँगै सशस्त्र प्रहरी बल नेपालका महानिरीक्षक नारायणदत्त पौडेल पनि सम्मेलनमा सहभागी भई स्वदेश फर्किएका छन्।
दुवै प्रहरी महानिरीक्षक असार २१ गते संयुक्त राष्ट्रसंघको प्रधान कार्यालयमा आयोजित प्रहरी प्रमुखहरूको सम्मेलनमा सहभागी हुन अमेरिकाको न्युयोर्क प्रस्थान गरेका थिए। सम्मेलन जुलाई ७ देखि ९ सम्म सञ्चालन भएको थियो, जहाँ संयुक्त राष्ट्रसंघका सदस्य राष्ट्रका प्रहरी प्रमुख तथा सुरक्षा अधिकारीहरूको सहभागिता रहेको थियो।
स्वदेश फर्किएपछि त्रिभुवन अन्तर्राष्ट्रिय विमानस्थलमा नेपाल प्रहरीका प्रहरी अतिरिक्त महानिरीक्षक, प्रहरी नायव महानिरीक्षक तथा नेपाल प्रहरी र सशस्त्र प्रहरी बलका अन्य वरिष्ठ अधिकृतहरूले महानिरीक्षक कार्कीसहित नेपाली प्रतिनिधिमण्डललाई औपचारिक स्वागत गरेका छन्।
काठमाडौं । भावी प्रधानन्यायाधीश नियुक्तिका लागि सिफारिस गर्ने उद्देश्यले आज संवैधानिक परिषद्को बैठक बस्दैछ। परिषद्का अध्यक्ष तथा प्रधानमन्त्री बालेन्द्र शाह... विस्तृतमा
