सेतो खबर
सुर्खेत । नेपाली कांग्रेसका सभापति गगन कुमार थापाले कर्णालीको विकासका लागि संविधानको संशोधन जरुरी भएको बताएका छन् ।
कर्णालीको विकास अरु प्रदेशको जस्तो सजिलो नभएको भन्दै उनले संविधान र कानून परिवर्तनले मात्र कर्णालीको आम्दानी बढाएर विकास गर्न सकिने बताए ।
विहीबार सुर्खेतमा आयोजित आमसभामा बोल्दै सभापति थापाले विकासका सपना बाड्न सहज भए पनि कार्यान्वयन गर्न कठिन भएको बताए । कर्णालीको विकासका लागि प्रदेश सरकारलाई बलियो बनाउनु पर्ने थापाको भनाइ छ ।
सपना देखाउन सजिलो भए पनि काम गर्न सहज नभएको थापाले बताए । ‘कर्णालीको बिकासका लागि थुप्रै सपनाहरु देखाउन सकिन्छ’ उनले भने, ‘हामीले जित्यौ भने कायापलट गरिदिन्छौ पनि भन्न सकिएला । तर, बिकास भन्नेकुरा चटकका भरमा हुने होइन् ।’
कर्णालीमा विकासका थुप्रै सम्भावनाहरु भए पनि सम्भावनाको खोजीगरी उपयुक्त योजना र कार्यान्वयनको खाँचो भएको उनले बताए ।
कर्णालीमा यार्सागुम्बा छ, जुम्लाको स्याउ र मार्सी चामल, पर्यटनको धनी र जडिबुटी र जलस्रोत अथाह छ भनेर हुँदैन’ उनले भने, ‘यि सबै कुराको सदुपयोग गर्ने सपना, योजना र सोच हुनु पर्दछ ।’
२०८२ देखि २०८७ सम्मको पाँच वर्ष कांग्रेसलाई दिन उनले मतदातालाई आग्रह गरे । ‘अबको पाँच बर्ष मात्र हामीलाई दिनुस् । हामीले काँग्रेस बदल्यौ, बदलिएको काँग्रेसले मुलुकलाई बदल्ने संकल्प गरेकनो छ ।’
माओवादी द्वन्द्वमा जनता मारिँदा नक्कली शरणार्थी भएर विदेश बसेकाहरुले अहिले पाँच वर्षमा कायापलट गर्छु भनेर चटक गरेको थापाले आरोप लगाए । ‘पाँच वर्षको कार्यकालमा मेरो घरकै परिवारको सदस्य भए पनि कार्वाहीको दायरामा ल्याईने छ’ उनले भने।
एकले अर्कोलाई गाली गरेर विकास गर्न नसकिने भन्दै सबै राजनीतिक शक्तिहरुलाई आगामी पाँच बर्षमा बनाउने मुलुकको मार्गचित्रसहित बहसमा आउन चुनौती दिए ।
अबको पाँच बर्ष जनताले बहुमत दिए प्रश्न गर्ने ठाउँ नदिने उनले बताए । थापाले अबको निर्वाचनमा गाली होइन, योजनामा प्रतिस्पर्धा हुनुपर्नेमा जोड दिए ।
काठमाडौं । स्पेनले अर्जेन्टिनालाई १–० ले पराजित गर्दै सन् २०२६ को फिफा विश्वकपको उपाधि जितेपछि विश्व फुटबलमा युवा स्टार लामिन यामाल सबैभन्दा बढी चर्चामा रहे। फाइनलमा... विस्तृतमा
