सेतो खबर
काठमाडौं । प्रधानमन्त्री सुशीला कार्कीले आगामी निर्वाचन पूर्ण रूपमा शान्तिपूर्ण र रक्तपातविहीन बनाउन नेपाली सेनालाई विशेष निर्देशन दिएकी छन्। जंगी अड्डा, नेपाली सेनाको मुख्यालयमा आयोजित कार्यक्रममा सम्बोधन गर्दै उनले एक थोपा रगत नबग्नेगरी निर्वाचन सुरक्षा सुनिश्चित गर्न सेनालाई आग्रह गरिन्।
प्रधानमन्त्री कार्कीले भनिन्, ‘मैले यसअघि पनि भन्दै आएको छु कि आगामी चुनावमा एक थोपा पनि रगत बग्नु हुँदैन र एक जना पनि घाइते हुनु हुँदैन।’
सुरक्षा संवेदनशीलता हेरी सबै सुरक्षा निकायबीच घनिष्ट समन्वय गर्दै त्रुटिरहित ढंगले काम गर्न निर्देशन दिँदै उनले जेनजी आन्दोलनका क्रममा लुटिएका हातहतियारको खोजी तथा फरार अपराधी पक्राउ गर्न कुनै कसर बाँकी नराख्न भनिन्।
कार्यक्रममा नेपाली सेनाले हालको सुरक्षा अवस्था, चुनौती र आगामी योजनाबारे प्रधानमन्त्रीलाई ब्रिफिङ गरेको उनका सचिवालयले जनाएको छ।
उक्त कार्यक्रममा गृहमन्त्री ओमप्रकाश अर्याल, कानुनमन्त्री अनिलकुमार सिन्हा, मुख्यसचिव सुमनराज अर्याल, प्रधान सेनापति अशोकराज सिग्देललगायत उच्च पदस्थ अधिकारीहरूको उपस्थिति थियो।
काठमाडौं । भावी प्रधानन्यायाधीश नियुक्तिका लागि सिफारिस गर्ने उद्देश्यले आज संवैधानिक परिषद्को बैठक बस्दैछ। परिषद्का अध्यक्ष तथा प्रधानमन्त्री बालेन्द्र शाह... विस्तृतमा
