सेतो खबर
काठमाडौँ । आधुनिकता र प्रविधिको युगमा पनि धेरै मानिसहरू अझै पारम्परिक उपचारप्रति आकर्षित भइरहेका छन्। अहिलेको समयमा शारीरिक रोगहरूको संख्या बढ्दो क्रममा देखिएको छ, विशेषगरी शहरी क्षेत्रमा। तर ग्रामीण भेगमा अझै पनि मानिसहरू स्वस्थ र फुर्तिला देखिन्छन्। यसको मुख्य श्रेय जानकारहरू उनीहरूको जीवनशैली र घरेलु नुस्खाहरूलाई दिन्छन्।
त्यस्तै एक घरेलु नुस्खा हो – बेसारको दूध, जसलाई आजकल “गोल्डेन मिल्क” भनेर चिनिन्छ। यो दूध केवल स्वादिष्ट मात्र नभई स्वास्थ्यका दृष्टिकोणले पनि अत्यन्तै लाभदायक मानिन्छ।
गोल्डेन मिल्क के हो?
गोल्डेन मिल्क भनेको बेसार मिसाएको दूध हो, जसमा कहिलेकाहीँ कालो मरिच, अदुवा वा दालचिनी पनि मिलाइन्छ। बेसारको कारण दूधको रंग सुनौलो हुने भएकाले यसलाई “गोल्डेन मिल्क” भनिन्छ। परम्परागत आयुर्वेद अनुसार, यो पेय रोग प्रतिरोधात्मक क्षमता बढाउने, हड्डी बलियो बनाउने र रुघाखोकीदेखि लिएर सुन्निएसम्मको समस्यामा लाभदायक मानिन्छ।
बेसारको दूध किन पिउने? यस्ता छन् प्रमुख फाइदाहरू
स्वास्थ्य विशेषज्ञहरूका अनुसार, गोल्डेन मिल्कमा निम्नलिखित लाभदायक गुणहरू पाइन्छन्:
रोग प्रतिरोधात्मक क्षमता बढाउँछ
बेसारमा पाइने करक्यूमिन नामक तत्त्व एन्टिअक्सिडेन्ट र एन्टी-इन्फ्लेमेटरी गुणले भरिपूर्ण हुन्छ, जसले शरीरलाई रोगसँग लड्ने शक्ति प्रदान गर्छ।
हड्डी बलियो बनाउँछ
दूधको क्याल्सियम र प्रोटिनले हड्डीहरूलाई बलियो बनाउँछ, र बेसारसँग मिसिँदा यसको असर झनै बढ्छ।
सुताइ राम्रो बनाउँछ
बेसारको दूधले मस्तिष्कलाई सान्त पार्न सहयोग गर्छ, जसका कारण रातको निद्रा सहज र गहिरो हुन्छ।
जोर्नी दुखाइ र सूजन घटाउँछ
बेसारको एन्टी-इन्फ्लेमेटरी गुणले शरीरमा हुने दुखाइ र सूजनलाई कम गर्छ।
पाचन प्रणालीमा सुधार
ग्यास, अपच र पेट फुल्ने समस्यामा राहत दिन्छ।
छालामा चमक ल्याउँछ
एन्टिअक्सिडेन्ट गुणले छालाको रंग निखार्न र दागधब्बा हटाउन मद्दत गर्छ।
रुघाखोकी र घाँटी दुखाइमा लाभदायक
जाडो मौसममा बेसारको दूध सेवन गर्दा सामान्य रुघाखोकी सहजै निको हुन सक्छ।
गोल्डेन मिल्क कसरी बनाउने?
सामग्रीहरू:
बनाउने तरिका:
काठमाडौं । इरान र इजरायलबीच चर्किएको युद्ध (जसमा अमेरिका समेत संलग्न छ) ले नेपालजस्तो आयात र रेमिट्यान्समा निर्भर अर्थतन्त्रलाई ‘दोहोरो खतरा’ तर्फ धकेल्ने संकेत... विस्तृतमा
