आज पनि घट्यो नेप्से, कारोबार पनि घटेर ४ अर्बमा

काठमाडौँ, २५ मंसिर । साताको तेस्रो दिन पनि शेयर बजार घटेको छ । शेयर बजार परिसूचक नेप्से आज ६ दशमलव ३२ अङ्कले घटेर २ हजार ६६९ दशमलव ८२ विन्दुमा झरेको छ ।

यसदिन ३०३ वटा कम्पनिको ८७ लाख ६८ हजार पाँच सय ६६ कित्ता शेयर ४ अर्ब ४१ करोड ३३ लाख रुपैयाँमा किनबेच भएको छ । सबैभन्दा धेरे एनआरएन इन्फ्राइन्ट्रचर डेभलपमेन्टको १८ करोड ९६ लाखको शेयर किनबेच भयो ।

आज व्यापार, माइक्रोफाइनान्स, होटल, उत्पादन समूहको शेयर सामान्य बढे पनि अरू सबै समूहको शेयर ओरालो लागेको छ ।

आज एनआरएन इन्फ्राइन्ट्रचर डेभलपमेन्टको शेयर साढे ८ प्रतिशतभन्दा बढिले घटेको छ । समग्रमा घटेको दिनजोशि हाइड्रोपावर र खानीखोला हाइड्रोपावरको शेयर साढे ७ प्रतिशतभन्दा बढिले बढेको छ ।