सेतो खबर
काठमाडौं । नेपाल टेलिकमले नयाँ प्रिपेड ई–सिम (eSIM) अब अनलाइनबाटै लिन सकिने सुविधा सञ्चालनमा ल्याएको छ। यस सुविधासँगै सेवाग्राहीले नयाँ ई–सिम प्राप्त गर्नका लागि टेलिकमको कार्यालयमा स्वयं उपस्थित हुनुपर्ने बाध्यता हटेको छ।
कम्पनीका अनुसार नयाँ प्रिपेड ई–सिम लिन इच्छुक ग्राहकले eSIM पोर्टलमा लगइन गरी ‘Get New Prepaid eSIM’ विकल्पमा क्लिक गर्नुपर्नेछ। त्यसपछि दिइएको निर्देशनअनुसार दर्ता प्रक्रिया पूरा गरी आवश्यक व्यक्तिगत विवरण उपलब्ध गराउनुपर्नेछ।
दर्ता प्रक्रिया सम्पन्न भएपछि विभिन्न डिजिटल वालेट तथा क्यूआर कोडमार्फत शुल्क भुक्तानी गर्न सकिनेछ। भुक्तानी सफल भएपछि ग्राहकलाई ई–सिमको क्यूआर कोड उपलब्ध गराइनेछ। उक्त क्यूआर कोड आफ्नो मोबाइलको सेटिङमार्फत स्क्यान गरेर ई–सिम सक्रिय गर्न सकिने नेपाल टेलिकमले जनाएको छ।
यसअघि प्रयोगमा रहेको फिजिकल सिमलाई अनलाइनमार्फत ई–सिममा रूपान्तरण गर्ने सुविधा उपलब्ध रहेकोमा अब नयाँ प्रिपेड ई–सिम समेत सोही पोर्टलमार्फत प्राप्त गर्न सकिने व्यवस्था थप गरिएको हो।
यस पोर्टलमार्फत नयाँ फिजिकल सिमका लागि आवश्यक फाराम भर्नुका साथै ग्राहक विवरण (KYC) दर्ता तथा अद्यावधिक गर्ने सुविधा समेत उपलब्ध रहेको कम्पनीले जनाएको छ।
काठमाडौं । भावी प्रधानन्यायाधीश नियुक्तिका लागि सिफारिस गर्ने उद्देश्यले आज संवैधानिक परिषद्को बैठक बस्दैछ। परिषद्का अध्यक्ष तथा प्रधानमन्त्री बालेन्द्र शाह... विस्तृतमा
