राप्रपाको संसदीय दलको नेतामा ज्ञानेन्द्र बहादुर शाही चयन, प्रमुख सचेतकमा खुश्बु ओली

काठमाडौं — राष्ट्रिय प्रजातन्त्र पार्टी (राप्रपा) को संसदीय दलको नेतामा ज्ञानेन्द्र बहादुर शाही चयन भएका छन्।

निर्वाचित प्रतिनिधिसभा सदस्यहरूको उपस्थितिमा बसेको संसदीय दलको बैठकले सर्वसम्मत रूपमा शाहीलाई दलको नेतामा चयन गरेको हो। शाही जुम्लाबाट प्रत्यक्ष निर्वाचित सांसद हुन्।

त्यसैगरी, पार्टीले प्रमुख सचेतकको जिम्मेवारी खुश्बु ओलीलाई दिएको जनाएको छ। ओली समानुपातिक प्रणालीमार्फत प्रतिनिधिसभा सदस्य बनेकी हुन्।

नव-निर्वाचित संसदीय दलका नेता शाहीले संसदमा पार्टीको भूमिकालाई प्रभावकारी बनाउने, जनताको मुद्दा सशक्त रूपमा उठाउने तथा पार्टीलाई सुदृढ बनाउँदै अघि बढ्ने प्रतिबद्धता व्यक्त गरेका छन्।

राप्रपाले नयाँ नेतृत्व चयनसँगै संसदभित्र आफ्नो उपस्थितिलाई थप सक्रिय र प्रभावकारी बनाउने अपेक्षा गरिएको छ।