सेतो खबर
काठमाडौं । एनएमबि बैंकले नेपालमा पहिलोपटक ‘सफ्टपोस (Soft POS)’ सेवा सुरु गर्दै डिजिटल भुक्तानी प्रविधिमा नयाँ युग प्रारम्भ गरेको छ। यो सेवामार्फत NFC सपोर्ट गर्ने कुनै पनि एन्ड्रोइड स्मार्टफोनलाई पोस मेसिनका रूपमा प्रयोग गर्न सकिनेछ।
सफ्टपोस सेवाले डेबिट तथा क्रेडिट कार्डमार्फत साना तथा मझौला उद्योग, पर्यटन व्यवसाय, डेलिभरी सेवा सञ्चालन गर्ने व्यवसायी तथा ग्रामीण क्षेत्रका उद्यमीहरूलाई मोबाइलबाटै भुक्तानी लिन सहज बनाउने उद्देश्य राखेको बैंकले जनाएको छ। यसले परम्परागत पोस मेसिनको आवश्यकताबाट व्यवसायीलाई मुक्त गरिदिनेसम्बन्धी अपेक्षा गरिएको छ।
एनएमबि बैंकका प्रमुख कार्यकारी अधिकृत गोविन्द घिमिरेका अनुसार सफ्टपोस सेवा केवल प्रविधिको नवप्रयोग मात्र नभई उद्यमशीलता र समग्र डिजिटल अर्थतन्त्रलाई अघि बढाउने महत्वपूर्ण आधार हो।
“अब हरेक व्यापारीको मोबाइल नै भुक्तानी टर्मिनल बन्नेछ। यसले व्यवसाय सञ्चालन अझ सजिलो र सुरक्षित बनाउनेछ,”– घिमिरेले भने।
सफ्टपोस सेवा अन्तर्राष्ट्रिय सुरक्षा मापदण्ड अनुसार सुरक्षित रूपमा सञ्चालन हुने भएकाले व्यापारी र ग्राहक दुवैका लागि विश्वसनीय भुक्तानी प्रणाली उपलब्ध हुने बैंकको दाबी छ।
डिजिटल बैंकिङलाई तीव्र विस्तार गर्ने रणनीतिसहित एनएमबि बैंकले देशभर २०२ शाखा, १८४ एटीएम तथा ९ एक्सटेन्सन काउण्टरमार्फत सेवा प्रवाह गरिरहेको छ।
नयाँ सफ्टपोस सेवाले एनएमबिलाई डिजिटल बैंकिङमा अग्रणी संस्थाको रूपमा थप स्थापित गर्ने बैंकले विश्वास व्यक्त गरेको छ।
काठमाडौं । भावी प्रधानन्यायाधीश नियुक्तिका लागि सिफारिस गर्ने उद्देश्यले आज संवैधानिक परिषद्को बैठक बस्दैछ। परिषद्का अध्यक्ष तथा प्रधानमन्त्री बालेन्द्र शाह... विस्तृतमा
