सेतो खबर
काठमाडौं । लक्ष्मी सन्राईज बैंक लिमिटेडको नेतृत्वमा सहवित्तीयकरणमा सहभागी बैंकहरू र दुधकोशी हाइड्रोपावर नेपाल प्रालिबीच ७० मेगावाट क्षमताको अर्धजलासय दुधकोशी—२ (जलेश्वर) जलविद्युत आयोजना निर्माणका लागि लगानी गर्ने सम्झौता सम्पन्न भएको छ।
सोलुखुम्बु जिल्लामा दुधकोशी नदीमा बन्ने उक्त आयोजना करिब १५ अर्ब रुपैयाँ लागतमा निर्माण हुने छ। सहवित्तीयकरणमा सहभागी बैंकहरूले आयोजना लागतको ७० प्रतिशत रकम उपलब्ध गराउने छन् भने बाँकी ३० प्रतिशत रकम कम्पनीका संस्थापकहरूले लगानी गर्नेछन्।
सहवित्तीयकरणमा लक्ष्मी सन्राईज बैंक अग्रणी बैंक, एभरेष्ट बैंक सह–अगुवा बैंक र सानिमा बैंक सदस्य बैंकका रूपमा सहभागी छन्। यसबाट करिब १० अर्ब ५० करोड रुपैयाँ बराबरको प्रोजेक्ट फाइनान्स जुटाइने भएको छ।
आयोजनाले असोज ७, २०७७ मा विद्युत विकास विभागबाट विद्युत उत्पादन अनुमतिपत्र प्राप्त गरिसकेको छ भने मंसिर ६, २०७८ मा नेपाल विद्युत प्राधिकरणसँग विद्युत खरिद–बिक्री सम्झौता (PPA) समेत गरिसकेको छ।
मुख्य प्रवर्द्धकका रूपमा आयु मलुन हाइड्रोपावर लिमिटेडसहित विभिन्न व्यक्तिगत लगानीकर्ताहरू र प्राइभेट इक्विटी भेन्चर क्यापिटल सहभागी छन्। आयोजना सन् २०२९ जुलाईभित्र सम्पन्न गरी उत्पादनमा ल्याउने योजना छ।
सम्पूर्ण निर्माण सकिएपछि आयोजना वार्षिक करिब ४१७ गिगावाट आवर विद्युत राष्ट्रिय प्रसारण लाइनमा जडान गर्नेछ। यससँगै दुधकोशी—२ आयोजना देशकै ठूलो स्वतन्त्र ऊर्जा उत्पादक आयोजना मध्ये एकका रूपमा स्थापित हुने अपेक्षा गरिएको छ।
काठमाडौं । भावी प्रधानन्यायाधीश नियुक्तिका लागि सिफारिस गर्ने उद्देश्यले आज संवैधानिक परिषद्को बैठक बस्दैछ। परिषद्का अध्यक्ष तथा प्रधानमन्त्री बालेन्द्र शाह... विस्तृतमा
