सेतो खबर
काठमाडौँ । एनआईसी एशिया बैंकका प्रमुख कार्यकारी अधिकृत (सीईओ) रोशन न्यौपानेले पदबाट राजीनामा दिएका छन्। बुधबार उनले सञ्चालक समितिसमक्ष औपचारिक रूपमा राजीनामा बुझाएका थिए।
बिहीबार बसेको सञ्चालक समितिको बैठकले राजीनामा स्वीकृत गर्दै नायब प्रमुख कार्यकारी अधिकृत (डीसीईओ) सन्तोष कुमार राठीलाई कायममुकायम सीईओको जिम्मेवारी दिने निर्णय गरेको हो।
न्यौपानेको राजीनामासँगै उनको सात वर्ष लामो कार्यकाल समाप्त भएको छ। पारिवारिक कारण देखाउँदै उनले पद छाडेको बुझिएको छ।
उनको नेतृत्वमा बैंकले शाखा सञ्जाल विस्तार, डिजिटल सेवा अभिवृद्धि र खुद्रा बैंकिङमा उल्लेखनीय प्रगति गरेको बताइन्छ। अब बैंकले स्थायी नेतृत्व चयनका लागि प्रक्रिया अघि बढाउने जनाएको छ।
काठमाडौं । भावी प्रधानन्यायाधीश नियुक्तिका लागि सिफारिस गर्ने उद्देश्यले आज संवैधानिक परिषद्को बैठक बस्दैछ। परिषद्का अध्यक्ष तथा प्रधानमन्त्री बालेन्द्र शाह... विस्तृतमा
