सेतो खबरद्वारा प्रकाशित गरिएको हो |
धनुषा, असार ३१ । मंगलबार जनकपुरमा प्रेस संगठन नेपाल धनुषाको आयोजनामा भएको पत्रकार सम्मेलनमा बोल्दै उद्योग वाणिज्य तथा आपूर्तिमन्त्री मातृकाप्रसाद यादवले प्राकृतिक विपदमा सबै एकजुट भएर सामना गर्नुपर्ने जनाएका छन् ।
उक्त सम्मेलनमा बोल्दै यादवले भने, ‘वर्षातको सिजन भर्खरै सुरुवात भएको छ यसकारण सम्भावित जोखिम तथा राहत वितरणका लागि सबै राजनीतिक दल सहितका सर्वदलीय समिति गठनको आवश्यकता रहेको छ’।
उनका अनुसार डुबान र बाढीले प्रत्येक वर्ष व्यापक जनधनको क्षति हुँदै आएकाले यसको दीर्घकालिन समाधान खोज्न जरुरी रहेको छ ।
‘प्रत्येक वर्ष बाढी र डुबान हुन्छ, प्रत्येक वर्ष सरकारले खोला नाला र सडक मर्मत सम्भार गर्छ, तर पनि डुबान र बाढी आउँछ, सबै थोक बगाएर लान्छ, मान्छेहरु घरबारविहीन हुन्छन्, यसको लागि दीर्घकालिनरुपमा समाधान खोजौँ ,उनले भने ।’
वि. सं. २०८१ सालका विवाह, व्रतबन्ध, अन्नप्राशन, गृहारम्भ, गृहप्रवेश, व्यापारिक प्रतिष्ठा जुर्ने दिनहरू। विवाहको मुहूर्त वैशाख ६ र ७ गते असार २७, २८, ३० र ३१ गते मङ्सिर... विस्तृतमा