सेतो खबरद्वारा प्रकाशित गरिएको हो |
काठमाण्डौ, चैत्र २६ । काठमाडौँ । भारतीय फिल्म स्टार सलमान खानसहित बलिउड कलाकारहरु ‘दब्याङ्ग द टुर नेपाल’ को लागी आगामी जेठमा नेपाल आउने भएका छन् ।
यसअघि फागुन २६ गते काठमाडौँको टुँडिखेलमा हुने भनिएको सलमान खानको ‘दब्याङ्ग द टुर नेपाल’ विप्लव समूहको चेतावनीलाई कारण देखाउँदै सलमानले नेपाल नआउने सन्देश पठाएपछि आयोजक ओडीसी इन्टरनेसनले ‘दबंग द टुर’ रद्द गरेको थियो।
कार्यक्रमका आयोजक ओडिसी इन्टरटेनमेन्टका अनुसार ‘दब्याङ्ग द टुर नेपाल’ आउदो जेठ १२ मा काठमाडौँको टुँडिखेलमा आयोजना हुने जनाएको छ ।
कालो हरिण मारेको घटनामा गएको विहिबार ५ बर्षको जेल सजयाए पाएका सलमानले शनिवार जमानतमा छुटेका थिए । उनी जेल परेसँगै सलमान नेपाल आउने नआउने विषयमा अन्यौल बढेको बेला जेए इभेन्टसले विज्ञप्ति जारी गर्दै सलमान आउने कार्यक्रमको नयाँ तालिका सार्वजनिक गरेको हो ।
कार्यक्रमका आयोजक तथा ओडिसीका अध्यक्ष सिमान्त गुरुङले कार्यक्रमका लागि डेढ महिना समय बाँकी भएकाले जोडतोडका साथ तयारी शुरु गर्ने बताए ।
गुरुङले ग्लोबल आइएमई बैंक, भाटभटेनी लगायतका मुख्य स्थानबाट टिकट वितरण शुरु गर्ने तयारी गरेको पनि जानकारी दिएका छन् । पहिले नै बेचेको करिब २ हजार टिकटबाट पनि सलमानको कार्यक्रम हेर्न पाउने आयोजकले बताएको छ ।
ओडिसी इन्टरटेनमेन्टले यसअघि नै सलमानलाई करि ६ करोड बढी रकम दिइसकेको बताउदै आएको छ ।
कार्यक्रमको १० देखि १२ करोडको लागत अनुमान गरिएको छ ।
कार्यक्रममा सलमानसँगै नायिका सोनाक्षी सिंहा, कृति सेनन, कोरियोग्राफर तथा चर्चित अभिनेता प्रभु देवा, डेजी शाह, मिट ब्रदर, मनिष पावलको प्रस्तुति रहने बताइएको थियो।
वि. सं. २०८१ सालका विवाह, व्रतबन्ध, अन्नप्राशन, गृहारम्भ, गृहप्रवेश, व्यापारिक प्रतिष्ठा जुर्ने दिनहरू। विवाहको मुहूर्त वैशाख ६ र ७ गते असार २७, २८, ३० र ३१ गते मङ्सिर... विस्तृतमा