सेतो खबर
काठमाडौं । भोटेकोशी बाढीका कारण क्षतिग्रस्त बनेको ६० मेगावाट क्षमताको त्रिशूली–३ ‘ए’ जलविद्युत् आयोजनाको सुरुङको मुख पाँच दिनपछि फेला परेको छ।
नेपाल विद्युत् प्राधिकरणका अनुसार तीन दिनदेखि निरन्तर खोजी तथा उद्धारमा खटिएको टोलीले सुरुङको ‘केबल एक्सेस टनेल’ पत्ता लगाएको हो।
सुरुङको मुख भेटिएसँगै अब उद्धार विज्ञ तथा प्राविधिक टोलीलाई सुरुङभित्र पठाएर त्यहाँको वास्तविक अवस्था बुझ्ने तयारी भइरहेको छ। यसअघि उद्धार टोलीले सुरुङभित्र हावा पठाउन पाँचवटा ड्रिल गरी प्वाल बनाएको थियो।
भोटेकोशी बाढीपछि आयोजनाको भूमिगत विद्युत्गृहमा काम गरिरहेका करिब ४०–४२ जना उच्च विज्ञसहितका प्राविधिक जनशक्ति सुरुङभित्र फसेको अनुमान गरिएको छ।
उनीहरूको खोजी तथा उद्धारका लागि नेपाली र विदेशी प्राविधिक तथा उद्धार टोली परिचालन गरिएको छ। सुरुङको मुख फेला परेसँगै फसेका कर्मचारीको अवस्थाबारे जानकारी प्राप्त हुने र उद्धार प्रक्रिया थप तीव्र हुने अपेक्षा गरिएको छ।
काठमाडौं । स्पेनले अर्जेन्टिनालाई १–० ले पराजित गर्दै सन् २०२६ को फिफा विश्वकपको उपाधि जितेपछि विश्व फुटबलमा युवा स्टार लामिन यामाल सबैभन्दा बढी चर्चामा रहे। फाइनलमा... विस्तृतमा
