कांग्रेसको महाधिवेशन प्रक्रिया रोक्न सर्वोच्च पुगे देउवा र खड्का

नेपाली कांग्रेसका पूर्वसभापति शेरबहादुर देउवा र तत्कालीन कार्यवाहक सभापति पूर्णबहादुर खड्काले पार्टीको १५औँ महाधिवेशन प्रक्रिया रोक्न माग गर्दै सर्वोच्च अदालतमा रिट दायर गरेका छन्।

देउवा र खड्काको तर्फबाट शुक्रबार छुट्टाछुट्टै रिट सर्वोच्च अदालतमा दर्ता गरिएको हो। कांग्रेस नेता मीन विश्वकर्माका अनुसार दुवै नेताको तर्फबाट कानुन व्यवसायीले रिट दर्ता गरेका हुन्।

सभापति गगन थापा नेतृत्वको संस्थापन पक्षले आगामी असोजमा १५औँ महाधिवेशन गर्ने गरी तयारी अघि बढाइरहेको छ। वडा तहदेखि नै महाधिवेशनको प्रक्रिया अघि बढिसकेको अवस्थामा देउवा–खड्का पक्षले भने अदालतको निर्णय नआएसम्म महाधिवेशनसम्बन्धी गतिविधि रोक्न माग गरेको हो।

देउवा पक्षले गत वैशाखमा गगन थापा नेतृत्वको नेपाली कांग्रेसलाई आधिकारिकता दिने सम्बन्धमा भएको निर्णयलाई सर्वोच्च अदालतले पुनरावलोकनका लागि निस्सा दिइसकेको विषयलाई आधार बनाएको छ। उक्त मुद्दाको अन्तिम टुंगो नलागेसम्म महाधिवेशनसम्ब