सेतो खबर
काठमाडौं । “महालक्ष्मी विकास बैंक बिजचित्र फोटोग्राफी प्रतियोगिता–संस्करण ३” को पुरस्कार वितरण कार्यक्रम फागुन १ गते सम्पन्न भएको छ।
महालक्ष्मी विकास बैंकले विश्व फोटोग्राफी दिवसको अवसर पारेर आयोजना गर्दै आएको यस प्रतियोगिता यस वर्ष सफलतापूर्वक सम्पन्न भएको जनाएको छ। प्रतियोगिता २०८२ साल भाद्र ११ देखि आश्विन ३१ गतेसम्म सञ्चालन भएको थियो। प्रतियोगितामा सहभागी हुनका लागि स्थानीय साना तथा मझौला व्यवसाय झल्काउने फोटो खिचेर पठाउने नियम अनुसार विभिन्न फोटोग्राफरहरूले फोटोहरू पेश गरेका थिए।
प्रतियोगितामा समावेश सम्पूर्ण फोटोहरू उत्कृष्ट रहेको र स्थानीय व्यवसाय तथा समुदायलाई सकारात्मक सन्देश प्रवाह गर्ने खालका भएको बैंकले जनाएको छ। प्रतियोगिताको मूल्याङ्कनको लागि तीन सदस्यीय निर्णायक समितिले १५ उत्कृष्ट फोटो चयन गरेको थियो।
पुरस्कार वितरण कार्यक्रममा प्रथम, द्वितीय, तृतीय स्थान तथा पब्लिक च्वाइस अवार्ड विजेतालाई सम्मान गरिएको थियो। यसअन्तर्गत:
त्यसैगरी, बैंकले उत्कृष्ट १५ फोटोग्राफरलाई प्रमाणपत्र प्रदान गरेको छ। यस संस्करणमा अघिल्लो संस्करणको तुलनामा पुरस्कार राशिमा वृद्धि गरिएको थियो। बैंकका अनुसार यस्ता कार्यक्रमहरूले स्थानीय व्यवसाय, उद्यमशिलता र स्थानीय कलालाई प्रवद्र्धन गर्ने काममा योगदान पुर्याउँछन्।
यसैगरी, महालक्ष्मी विकास बैंकले ग्राहकहरुलाई अत्याधुनिक, सुरक्षित तथा सहज डिजिटल बैंकिङ सुविधा प्रदान गर्दै आएको छ। डिजिटल कारोबार प्रबद्र्धन, ग्राहक सुविधा अभिवृद्धि र नगद रहित बैंकिङलाई बढावा दिन बैंकले सञ्चालन गरेको “महालक्ष्मी माघ महोत्सव” पनि सफलतापूर्वक सम्पन्न भएको छ।
काठमाडौं । भावी प्रधानन्यायाधीश नियुक्तिका लागि सिफारिस गर्ने उद्देश्यले आज संवैधानिक परिषद्को बैठक बस्दैछ। परिषद्का अध्यक्ष तथा प्रधानमन्त्री बालेन्द्र शाह... विस्तृतमा
