सेतो खबर
काठमाडौं, ३० पुस । नेपाली कांग्रेसको विशेष महाधिवेशनबाट गगनकुमार थापा पार्टी सभापतिमा निर्विरोध निर्वाचित भएका छन् । मनोनयन दर्ताको समय सकिँदासम्म सभापति पदमा थापाको मात्रै उम्मेदवारी परेकाले उनी निर्विरोध निर्वाचित भएका हुन् ।
निर्वाचन समितिमा रहेका एक सदस्यले जानकारी दिँदै भने, “मनोनयन दर्ताको समय सकिएको छ । सभापतिमा गगनकुमार थापाको मात्रै उम्मेदवारी परेको छ । उहाँले अधिकृत वारेसनामामार्फत उम्मेदवारी दर्ता गराउनुभएको हो।”
यद्यपि निर्वाचन समितिले औपचारिक प्रक्रिया पूरा गर्दै उम्मेदवारहरूको अन्तिम नामावली दिउँसो १ बजेपछि सार्वजनिक गर्ने जनाएको छ ।
सभापतिपछि पार्टीभित्र शक्तिशाली मानिने महामन्त्री पदका लागि भने प्रतिस्पर्धा हुने देखिएको छ । महामन्त्री पदमा चार जनाले उम्मेदवारी दर्ता गराएका छन् । उम्मेदवारहरूमा विश्वप्रकाश शर्मा, प्रदीप पौडेल, उदयशमशेर जबरा र जगदीशनरसिंह केसी रहेका छन् ।
विशेष महाधिवेशनमार्फत कांग्रेसको नयाँ नेतृत्व चयन हुँदै गर्दा सभापतिमा गगन थापाको निर्विरोध चयनलाई पार्टीको भावी दिशा र आन्तरिक शक्ति सन्तुलनका दृष्टिले महत्वपूर्ण घटनाक्रमका रूपमा हेरिएको छ ।
काठमाडौं । भावी प्रधानन्यायाधीश नियुक्तिका लागि सिफारिस गर्ने उद्देश्यले आज संवैधानिक परिषद्को बैठक बस्दैछ। परिषद्का अध्यक्ष तथा प्रधानमन्त्री बालेन्द्र शाह... विस्तृतमा
