सेतो खबर
काठमाडौं । राष्ट्रिय स्वतन्त्र पार्टी (रास्वपा)का सभापति रवि लामिछानेले आफूविरुद्ध लगाइएको सम्पत्ति शुद्धीकरण तथा संगठित अपराधसम्बन्धी अभियोग दाबी फिर्ता लिन माग गर्दै महान्यायाधिवक्ता कार्यालयमा निवेदन दिएका छन् ।
सरकारी वकिल कार्यालयले दायर गरेको अभियोगपत्रमा उल्लेख गरिएका ती दुई कसुर असान्दर्भिक र प्रमाणहीन रहेको दाबी गर्दै लामिछानेले अभियोग फिर्ता गरिनुपर्ने माग गरेका हुन् । उनले कानुनबमोजिम अभियोग फिर्ता लिन सकिने व्यवस्था अन्तर्गत निवेदन दर्ता गराएका बताइएको छ ।
महान्यायाधिवक्ता सबिता भण्डारीका अनुसार लामिछानेले कारागारमा रहेका समयमै अभियोग फिर्ताका लागि निवेदन दिएका थिए । “उहाँले हिरासतमा हुँदा नै सम्पत्ति शुद्धीकरण र संगठित अपराधसम्बन्धी अभियोग फिर्ता गरिदिन अनुरोध गर्दै निवेदन दिनुभएको हो,” भण्डारीले जानकारी दिइन् ।
महान्यायाधिवक्ता कार्यालयले उक्त निवेदनमाथि अध्ययन भइरहेको र कानुनी प्रक्रिया, प्रमाण तथा सार्वजनिक हितका आधारमा निर्णय लिइने जनाएको छ । अभियोग फिर्ता लिने वा नलिने विषयमा अन्तिम निर्णय मन्त्रिपरिषद् र महान्यायाधिवक्ताको सिफारिसमा निर्भर रहने कानुनी व्यवस्था छ ।
यो घटनाक्रमसँगै रास्वपाका नेता तथा कार्यकर्ताले राजनीतिक प्रतिशोधका कारण मुद्दा लगाइएको आरोप लगाइरहेका छन् भने विपक्षी पक्षले निष्पक्ष कानुनी छानबिन हुनुपर्ने माग गर्दै आएका छन् । लामिछानेविरुद्धको मुद्दाको आगामी कानुनी प्रक्रिया र निर्णयलाई राजनीतिक वृत्तले चासोका साथ हेरिरहेको छ ।
काठमाडौं । भावी प्रधानन्यायाधीश नियुक्तिका लागि सिफारिस गर्ने उद्देश्यले आज संवैधानिक परिषद्को बैठक बस्दैछ। परिषद्का अध्यक्ष तथा प्रधानमन्त्री बालेन्द्र शाह... विस्तृतमा
