सेतो खबर
काठमाडौं, १४ कात्तिक । नेकपा (एकीकृत समाजवादी) की नेतृ रामकुमारी झाँक्रीले व्यक्तिगत आवश्यकता र संकट निवारणका आधारमा गरिएको एकता दीगो नहुने टिप्पणी गरेकी छन् ।
नेकपा (एकीकृत समाजवादी) र नेकपा (माओवादी केन्द्र)बीच पार्टी एकताको प्रक्रिया सुरु भएको समाचार सार्वजनिक भएपछि झाँक्रीले सामाजिक सञ्जालमार्फत प्रतिक्रिया दिँदै लेखेकी छिन्,
“व्यक्तिगत आवश्यकता र व्यक्तिको संकट टार्न भएको एकता अनेकतामा विभाजित हुन सक्छ। इतिहासको वास्तविकता यही हो। मान्छे थपेर बहुमत पुर्याउन त सकिन्छ, तर त्यस्तो बहुमतले सबैको भावना बोक्छ भन्ने होइन।”
झाँक्रीले माओवादी केन्द्रसँगको एकताको विपक्षमा आफू रहेको स्पष्ट गर्दै बरु पार्टी पुनर्गठन गरी एमालेसँग एकता थाल्नुपर्ने धारणा राखेकी छिन् ।
माओवादीसँग एकता गर्न नहुने पक्षमा झाँक्रीसँगै एकीकृत समाजवादीका सम्मानित नेता झलनाथ खनाल, महासचिव घनश्याम भुसाललगायतका नेताहरू पनि उभिएका छन् ।
काठमाडौं । भावी प्रधानन्यायाधीश नियुक्तिका लागि सिफारिस गर्ने उद्देश्यले आज संवैधानिक परिषद्को बैठक बस्दैछ। परिषद्का अध्यक्ष तथा प्रधानमन्त्री बालेन्द्र शाह... विस्तृतमा
