सेतो खबरद्वारा प्रकाशित गरिएको हो |
चितवन । पत्रकार शालिकराम पुडासैनी मृत्यु प्रकरणमा मुछिएका टिभी प्रस्तोता रवि लामिछानेसहित तीन जनालाई जिल्ला अदालत चितवन लगिएको छ ।
आज बिहान १० बजे उनिहरुलाई अदालत लगिएको हो । हिरासत मै राखेर अनुसन्धान गर्न अदालतले दोस्रो पटक पाँच दिनको म्याद थपेको आज सकिएको छ । जिल्ला सरकारी वकिल कार्यालयले सम्भवतः आजै रविसहित ३ जनाविरुद्ध अभियोग पत्र दायर हुने जनाएको छ ।
प्रहरीले अनुसन्धानको फाइल तयार गरेको र तिनै जनाविरुद्ध अभियोग पत्र दायर गरेसँगै आजदेखि नै सरकारी वकिल र लामिछानेलगायतका वकिलबीच बहस सुरु हुनेछ । यदि आज बहस नसकिए भोली पनि बहस जारी रहने सम्भावना रहेको छ ।
जाहेरीवालाको तर्फबाट ५ जना वकिलले तथा प्रतिवादीका तर्फबाट सुसिल पन्त, सुनिल पोखरेल र चुडामणी सापकोटाले बहस गर्ने भएका छन् । त्यस्तै आरोपी अस्मिता कार्की तर्फबाट पनि छुट्टै ३ जना वकिलले बहस गर्ने भएको छ ।
बहस सकिएपछि मात्र उनीहरु रिहा हुने नहुने बारे निर्णय हुने बताइएको छ ।
यसअघि नै ३ जनाविरुद्ध अनुसन्धान गर्न चितवन जिल्ला अदालतले ५–५ दिन गरी २ पटक १० दिनका लागि म्याद थप गरेको थियो । तीन जनाविरुद्ध थपिएको १० दिनको म्याद पूरा भएपछि आइतबार प्रहरीले उनीहरुलाई जिल्ला अदालतमा उपस्थित गराउने छ ।
गत साउन २० गते नुवाकोटका पत्रकार पुडासैनीले चितवनको होटलमा आत्महत्या गरेका थिए । आत्महत्या गर्नु अघि पुडासैनीले लामिछानेसहित युवराज कँडेल र अस्मिता कार्कीले आफुलाई मर्न वाध्य पारेको भिडियो सार्वजनिक भएसँगै प्रकरणमा मुछिएपछि प्रहरीले उनीहरुलाई गत बिहीबार पक्राउ गरी अनुसन्धान गरिरहेको छ।
वि. सं. २०८१ सालका विवाह, व्रतबन्ध, अन्नप्राशन, गृहारम्भ, गृहप्रवेश, व्यापारिक प्रतिष्ठा जुर्ने दिनहरू। विवाहको मुहूर्त वैशाख ६ र ७ गते असार २७, २८, ३० र ३१ गते मङ्सिर... विस्तृतमा