सेतो खबर
काठमाडौं । अर्थमन्त्री डा. स्वर्णिम वाग्लेले बदलिँदो राष्ट्रिय प्राथमिकता र आवश्यकताअनुसार सरकारले संयुक्त राष्ट्रसङ्घीय विकास कार्यक्रम (युएनडीपी) सँग विकास सहकार्यलाई थप सुदृढ बनाउन चाहेको बताएका छन् ।
नेपाल र युएनडीपीबीच सहकार्य सुरु भएको ६०औँ वर्षगाँठका अवसरमा काठमाडौंमा आयोजित कार्यक्रममा सम्बोधन गर्दै उनले नेपालसँग विगत ६० वर्षदेखि विभिन्न विकासका क्षेत्रमा निरन्तर सहकार्य गरेकोमा युएनडीपीप्रति आभार व्यक्त गरे ।
गरिबी निवारण, असमानता न्यूनीकरण, दिगो विकास, शिक्षा, स्वास्थ्यलगायतका क्षेत्रमा युएनडीपीले पु¥याएको योगदान अविस्मरणीय रहेको बताए ।
उनले भने, ‘यहाँहरूले नेपालका विकास प्रयासमा पु¥याउनुभएको योगदानका लागि धेरै–धेरै धन्यवाद। आज ६० वर्ष पुगेको यो सहकार्य आगामी १०० वर्षसम्म पनि निरन्तर रहोस् भन्ने कामना गर्दछु।’
उनले संयुक्त राष्ट्रसङ्घको छातामुनि हुने विकास सहकार्यलाई केवल आर्थिक लगानीको दृष्टिले मात्रै नभई अन्तरदेशीय समन्वय, ज्ञान आदानप्रदान र दीर्घकालीन साझेदारीको महत्वपूर्ण माध्यमका रूपमा बुझ्नुपर्ने धारणा राखे ।
नेपालमा वातावरण संरक्षण, लोकतन्त्रको सुदृढीकरण, युवा सशक्तीकरण तथा डिजिटल रूपान्तरणका क्षेत्रमा युएनडीपीले खेलेको भूमिकाको प्रशंसा गर्दै उनले बदलिँदो विकास चुनौती र आवश्यकताअनुसार आगामी दिनमा पनि सहकार्यलाई अझ प्रभावकारी बनाउनुपर्नेमा जोड दिए ।
आफ्नो व्यावसायिक जीवनको महत्वपूर्ण समय युएनडीपीमै बिताएको स्मरण गर्दै उनले उक्त संस्थासँगको आफ्नो सम्बन्धलाई विशेष अनुभवका रूपमा उल्लेख गरे ।
कार्यक्रममा अर्थमन्त्री वाग्लेले युएनडीपीले नेपालमा विगत ६० वर्षमा गरेका प्रमुख काम, उपलब्धि र सहकार्यका झलक समेटिएको फोटो पुस्तक ‘६० वर्षको सहयात्रा’ पनि सार्वजनिक गरे ।
काठमाडौं । भावी प्रधानन्यायाधीश नियुक्तिका लागि सिफारिस गर्ने उद्देश्यले आज संवैधानिक परिषद्को बैठक बस्दैछ। परिषद्का अध्यक्ष तथा प्रधानमन्त्री बालेन्द्र शाह... विस्तृतमा
