सेतो खबरद्वारा प्रकाशित गरिएको हो |
असार १, – कोरियाको गजेदोस्थित डेउ छोसन नामक पानीजहाज बनाउने कम्पनीमा कार्यरत नेपाली कामदार लालबहादुर थापाको दुर्घटनामा बिहीबार मृत्यु भएको छ । बुधबार दिनको साढे १ बजेतिर कार्यस्थलमै करिब ६ मिटर उचाईबाट लडेर भूइँमा झरेका थिए ।
कोल्टो परेर झर्दा थापाको एक भाग पुरै क्षति पुगेको थियो । थापालाई तुरुन्तै देउ अस्पताल पुर्याइए पनि उपचार गर्न नसकी भुसान अस्पतालमा रिफर गरिएको थियो । रातको साढे २ बजे थापालाई चिकित्सकले मृत घोषित गरेको डेउ नेपाली एकता समाजका अध्यक्ष अंशुवर्मा लिम्बूले जानकारी गराए ।
बुटवल उपमहानगरपालिका १३ का बासिन्दा थापाको एक छोरा र पत्नी रहेका छन् । २९ वर्षीय थापा सिविटी परीक्षा दिएर पुनः कोरिया आएका थिए । उनका दाइ पनि गजेदोमै कार्यरत छन् । ‘६ सयभन्दा बढी नेपाली कामदार कार्यरत रहेको देउ कम्पनीमा यसरी दुर्घटनामा नेपाली निधन भएको पहिलो पटक हो’, लिम्बूले जनाए।
वि. सं. २०८१ सालका विवाह, व्रतबन्ध, अन्नप्राशन, गृहारम्भ, गृहप्रवेश, व्यापारिक प्रतिष्ठा जुर्ने दिनहरू। विवाहको मुहूर्त वैशाख ६ र ७ गते असार २७, २८, ३० र ३१ गते मङ्सिर... विस्तृतमा