सेतो खबरद्वारा प्रकाशित गरिएको हो |
चैत्र २०,पाकिस्तानको एक धार्मिक स्थल (दरगाह) मा बिषालु खाना खुवाई लठ्याएर लठ्ठी र चक्कु प्रहार गरी २० जना श्रद्धालुको हत्या गरिएको छ भने अन्य ४ गम्भीर घाइते छन् । पाकिस्तानको पञ्जाब प्राप्तको मोहम्मद अली दरगाहमा मारिनेमध्ये ४ जना महिलासमेत छन् । प्रहरीले घटनामा संलग्न ५ जनालाई पक्राउ गरेको छ ।
प्रहरीका अनुसार ५० वर्षीय दरगाहका रक्षक अब्दुल वाहिदको नेतृत्वमा उनीहरुको हत्या भएको थियो । उनमा मानसिक समस्या रहेको क्षेत्रिय प्रहरी प्रमुख जुल्फीकर हमिदलाई उद्धृत गर्दै एएफपीले लेखेको छ । प्रहरीका अनुसार ती दरगाह रक्षकले ती व्यक्तिहरु आफूलाई मार्न आएको भन्ठानेर मारेको बयान दिएका छन् । पञ्जाबका मुख्यमन्त्री साहबाज सरिफले प्रहरीले २४ घण्टाभित्र घटनाको छानबिन गर्न निर्देशन दिएका छन् ।
अनुसन्धानमा संलग्न अधिकारीका अनुसार दरगाह रक्षक र अन्य सहयोगीले श्रद्धालुहरुलाई आफ्नो कोठामा बोलाई पालैपालो बिषालु खाना खुवाएका थिए । बिषालु खानाले अर्धचेत अवस्थामा पुगेका श्रद्धालुहरुलाई उनीहरुले चक्कु र लठ्ठीले कुटेर मारेका थिए ।
वि. सं. २०८१ सालका विवाह, व्रतबन्ध, अन्नप्राशन, गृहारम्भ, गृहप्रवेश, व्यापारिक प्रतिष्ठा जुर्ने दिनहरू। विवाहको मुहूर्त वैशाख ६ र ७ गते असार २७, २८, ३० र ३१ गते मङ्सिर... विस्तृतमा