सेतो खबरद्वारा प्रकाशित गरिएको हो |
काठमाण्डौ, चैत्र २३ । प्रधानमन्त्री केपी शर्मा ओली ५४ सदस्यीय प्रतिनिधिमण्डलसहित तीन दिने भारत भ्रमणका लागि नयाँदिल्ली प्रस्थान गरेका छन्। बिहीबार बिहान ९ बजे नेपाल एयरलाइन्सको विमानमा प्रधानमन्त्री भारततर्फ लागेका हुन् ।
उनको भ्रमण टोलीमा काठमाडौँबाट ४५ र नयाँ दिल्लीस्थित नेपाली राजदूतावासका ९अधिकारीसहित ५४ सदस्य छन् । भारतीय प्रधानमन्त्री नरेन्द्र मोदीको निमन्त्रणामा ओली भारत भ्रमणमा गएका हुन्। प्रधानमन्त्री ओलीलाई इन्दिरा गान्धी अन्तर्राष्ट्रिय विमानस्थलमा स्वागत गरिनेछ ।
प्रधानमन्त्री ओली शुक्रबार बिहान ११ बजेर ४५ मिनेटमा भारत पुग्ने भारतस्थित नेपाली राजदूतावासले जानकारी दिएको छ।
प्रधानमन्त्रीलाई त्रिभुवन विमानस्थलमा प्रतिनिधि सभाका सभामुख कृष्णबहादुर महरा, लगायत उच्च पदस्थ सरकारी अधिकारीले बिदाई गरेका थिए ।
नेपाल वायुसेवा निगमको नियमित उडानबाट शुक्रबार बिहान ९ः०० बजे भारत प्रस्थान गरेका प्रधानमन्त्री ओलीको प्रतिनिधिमन्डलमा उनकी धर्मपत्नी राधिका शाक्य, परराष्ट्रमन्त्री प्रदीपकुमार ज्ञवाली, उद्योग, वाणिज्य तथा आपूर्तिमन्त्री मातृका यादव, भौतिक पूर्वाधार तथा यातायातमन्त्री रघुवीर महासेठ, प्रधानमन्त्रीका मुख्य सल्लाहकार विष्णुप्रसाद रिमाललगायत छन् ।
भ्रमण दलमा संघीय संसदका सदस्यहरु शरत्सिंह भण्डारी, दीनानाथ शर्मा, रामेश्वर राय यादव, मोतीलाल दुगड, गणेशसिंह ठगुन्ना, शान्ता चौधरी, उमा रेग्मी, रामवीर मानन्धर, सीताराम महतो र विमलप्रसाद श्रीवास्तव सहभागी छन् ।
प्रतिनिधिमन्डलमा मुख्यसचिव लोकदर्शन रेग्मी, परराष्ट्रसचिव शंकरदास बैरागी, उद्योग, वाणिज्य तथा आपूर्ति मन्त्रालयका सचिव चन्द्रकुमार घिमिरे, लगानी बोर्डका प्रमुख कार्यकारी अधिकृत महाप्रसाद अधिकारी, प्रधानमन्त्रीको निजी चिकित्सक डा. दिव्यासिंह शाह, प्रधानमन्त्रीका प्रेस सल्लाहकार डा. कुन्दन अर्याल, जल तथा ऊर्जा आयोगका सहसचिव माधव बेल्वासे, अर्थ मन्त्रालयका सहसचिव केवलप्रसाद भण्डारी, रेल विभागका महानिर्देशक अनन्त आचार्य, परराष्ट्र मन्त्रालयका सहसचिव भृगु ढुंगाना, शिष्टाचार महापाल दीपक अधिकारी, नेपाल कृषि अनुसन्धान परिषदका कार्यकारी निर्देशक डा। वैद्यनाथ महत्तो पनि भ्रमण रहनेछन् ।
भ्रमण दलमा पहिलोपटक कला क्षेत्रबाट नायक राजेश हमाल र चलचित्र निर्देशक दिनेश डिसी रहेका छन् ।
यसबाहेक निजी खर्चमा उद्योगी–व्यावसायी र निजी क्षेत्रका सन्चारमाध्यमका प्रतिनिधि सामेल हुनेछन् ।
राष्ट्रिय समाचार समिति, नेपाल टेलिभिजन र रेडियो नेपालका सन्चारकर्मीको भ्रमण दलमा सहभागिता रहेको छ ।
यस्तै, नेपाली दूतावास नयाँदिल्लीबाट कार्यबाहक राजदूत भरतकुमार रेग्मी, इकोनोमिक मिनिस्टर कृष्णहरि पुस्करलगायत ९ जनाको सहभागिता रहनेछ ।
यस्तो छ प्रधानमन्त्री ओलीको ३ दिने कार्यक्रम
पहिलो दिन चैत २३ गते शुक्रवार
– ११ बजे ४५ मिनेटमा नयाँ दिल्लीस्थित इन्दिरा गान्धी अन्तर्राष्ट्रिय विमानस्थल अवतरण
– भारतीय ब्यापारीहरुसँग ताज प्यालेस होटमा भेटघाट गर्ने,
– ५ बजे नेपाली समुदायसँग छलफल गर्ने र
– ७ः३० बजे कूटनीतिक समुदायसँग भेटघाट
दोस्रोे दिन चैत २४ गते शनिवार
– ९ बजे भारतीय राष्ट्रपति रामनाथ कोविन्दसँग भेटघाट गर्ने
– १० बजे राजघाट पुगी महात्मागान्धीको समाधिस्थलमा माल्यलपण गर्ने
– भारतीय प्रधानमन्त्री नरेन्द्र मोदीसँग राष्ट्रपति भवन हैदरावादमा भेटघाट गर्ने र दुइपक्षवीच भएको सहमतिमा हस्ताक्षार गरी संयुक्त पत्रकार सम्मेलन गरी सार्वजनिक गर्ने
– ५ः३० बजे प्रधानमन्त्री ओलीले इन्डिया फाउन्डेसनले आयोजना गरेको कार्यक्रममा राजनीतिक भेटघाट गर्ने
– साँझ विदेशमन्त्री सुष्मा स्वराज, गृहमन्त्री राजनाथ सिंह र वित्तमन्त्री अरुण जेट्लीले बेग्लाबेग्लै शिष्टाचार भेट गर्ने।
भ्रमणको तेस्रो दिन चैत्र २५ गते आइतबार
– प्रधानमन्त्री ओली उत्तराखण्डको पन्तनगरस्थित गोविन्द बल्लभ पन्त कृषि विश्वविद्यालयको भ्रमण गर्ने
– १ बजे गान्धी हलमा मानार्थ विद्यावारिधीको प्रमाणपत्रद्धारा सुशोभित हुने
– साँझ ६ बजे स्वदेश फर्कने
वि. सं. २०८१ सालका विवाह, व्रतबन्ध, अन्नप्राशन, गृहारम्भ, गृहप्रवेश, व्यापारिक प्रतिष्ठा जुर्ने दिनहरू। विवाहको मुहूर्त वैशाख ६ र ७ गते असार २७, २८, ३० र ३१ गते मङ्सिर... विस्तृतमा