प्रहरी महानिरीक्षकको नियुक्तिमा सर्वोच्चले यही हुनुपर्छ भनेर तोकेको छैन : सभापति शेरबहादुर देउवा

चैत १८, विराटनगर – नेपाली कांग्रेसका सभापति शेरबहादुर देउवाले नतोकेकाले यही नै हुने भन्ने नभएको बताउनुभएको छ ।  विराटनगर विमानस्थलमा पत्रकारसँग कुरा गर्दै उहाँले भन्नुभयो, ‘सर्वोच्च अदालतले कसैको नाम किटेर भनेको छैन, यसमा कसको नियुक्ति हुन्छ, हेर्दै जाँऊ ।’

उहाँले स्थानीय तहको निर्वाचन निर्धारित समयमै एकै चरणमा हुने बताउनुभएको छ । निर्वाचनका लागि सहमति जुटाउन मधेसी मोर्चासँग छलफल भइरहेको र दुई-चार दिनमै सहमति हुने उल्लेख गर्दै उहाँले भन्नुभयो, ‘नेपाली कांग्रेस संविधान संशोधनको प्रस्तावलाई असफल भएको देख्न चहाँदैन ।’  मधेसी मोर्चा पनि निर्वाचनमा सहभागी हुने विश्वास व्यक्त गर्दै उहाँले भन्नुभयो, ‘पार्टीभन्दा जनता नै निर्वाचनका लागि बढी तयार छन् ।’