२० बर्ष.. ५२ साक्षी.. २०१ पेजको फैसला.. ५ बर्षको सजाय.., कैदी नंबर १०६ मा सलमान

चैत्र २३ । कालो हरिण मारेको अभियोगमा २० बर्षसम्म चलेको कानुनी लडाई पछि अभिनेता सलमान खान दोषी भएको सिद्ध भएको छ । घट्नामा कैयौ उत्तारचढाव आयो, कहिले सलमान र सेफ अलि खान ले उक्त घट्नाको जाँचबुझको सम्बन्धमा अधिकारी ललित बोडालाई सहयोग गरेनन् ।

कहिले बोडाको मानसिक स्थितिमाथि सवाल उठाएर केसलाई कमजोेर बनाउने कोशिश पनि गरे । घट्नामा दोस प्रभावशालि ब्यक्तिहरुको विरुद्धमा थियो त्यसैकारण कैयौ दवाव पनि परेको थियो ।

सलमानको अनस्क्रीन आमा बीना काक तब राजस्थानको काग्रेस सरकारको तर्फबाट मन्त्रि थिइन । कैयौ दबाबका बिच पनि बोडा डटेर सामान गरिरहे । अन्तमा कोर्टमा पेश भयो ५२ साक्षीको बयान र सबै सबुत प्रमाण । उक्त प्रमाणहरुको आधारमा उनलाई दोषी मान्दै २०१ पेजको फैसला लेखेर सलमानलाई ५ बर्ष १० हजार भारु जरीवानको सजाए सुनाइयो ।

सजाए सुनाए पश्चात सलमानलाई जोधपुर जेल चलान गरीयो । जेलमा उनलाई कैदी नम्बर १०६ को ट्याग लगाइएको छ ।

जोधपुर जेलका डिआईजी विक्रम सिंहले बताए अनुसार सलमान खानलाई विहिबार बेलुका जेलमै खानको लागी भाडाकुडा दिइयो । उनलाई खानामा चनाको दाल, बन्दागोभी र रोटी दिइएको थियो । विहान हलुवा र चिया दिइयो । डिआईजीले सलमान खानलाई पनि अन्य कैदीहरुलाई दिएको जस्तै पानी दिइनेछ । उनले बताए अनुसार सलमान जेलमा आउदा उनको ब्लडप्रेसर बढेको र तनावमा रहेको जानकारी दिएका छन । यद्यपी, अहिले उनी नर्मल छन् । उनलाई दुईपटक मेडिकल जाँच पनि गरीएको छ ।

सलमानले डिआईजीसँग जोधपुरसँग उनको विशेष लगाव रहेको र उनले यो सजाय पश्चात पनि आफनो जोधपुरसँगको लगाव कम नहुने बताएका छन् । यो भन्दा पहिला पनि उनी तिन पटक जोधपुर जेलमा बसिसकेका छन् ।