सैन्य क्षेत्रमा ठूलो मात्रामा बृद्धिको तयारीमा चीन

काठमाडौँ, १४ चैत । आर्थिक रुपमा अमेरिकालाई उछिनेको चीनले सैन्य क्षेत्रमा ठूलो मात्रामा बृद्धिको तयारी गरेपछि विश्वले अब अमेरिका र चीन आमनेसामने हुने आंकलन गरेका छन् ।हालसालै रुसबाट प्रकाशित हुने प्राव्धा रिपोर्टले साउथ चाइन मर्निङ पोष्टलाई हवाला दिदै चीन आफ्नो सैन्य शक्तिलाई आधुनिकीकरण गर्ने नाममा ठूलो सैन्य तयारीमा रहेको बताएको छ । चीनले खासगरी सामुद्रिक सैन्य शक्ति सुदृढ गर्न लागिपरेको प्राव्धा रिपोर्टको विश्लेषण छ । २० हजार सामुद्रिक सेना रहेकोमा त्यसलाई बढाएर चीन १ लाखमा बढाउन लागेको उसको रिपोर्टमा उल्लेख छ ।सन् २०१७ को वल्र्ड मिलेट्री व्यालेन्सले हालै प्रकाशित गरेको एक रिपोर्टअनुसार चीनले सैन्य क्षेत्रमा लगायतार बृद्धि गरिहेको उल्लेख गरेको छ ।

वल्र्ड मिलेट्री व्यालेन्सका अनुसार सन् २०१३ मा विश्वमा रक्षा खर्चमा एशिया युरोपको दोस्रोमा थियो । त्यो सन् २०१६ मा पुग्दा एशियाली देशहरुको रक्षा खर्च युरोपको भन्दा १.३ गुणा बढी रहेको देखाइएको छ, जुन उच्च सैन्य खर्च हो ।जहाँ अहिले विश्वमा अमेरिकाको मिलेटरी खर्च ६०४ बिलियन डलर छ भने चीनको १४५ बिलियन डलर रहेको छ । तेस्रोमा रुसको सैन्य खर्च ५९.९ बिलियन डलर रहेको छ ।सैन्य विज्ञहरुकाअनुसार चीनले हालसालै हवाई र नाभी सैन्यमा ठूलो सफलता हात पारेको छ । चीनले अहिले तीनवटा नयाँ ठूलो स्केलको 055 टाइपको मिसाइल डिष्ट्राेटर निर्माण गरेको छ । साथै उसले पाँचवटा 13 स्टेट अफ आर्ट 052D डिष्ट्राेइटर निर्माण गरेको छ ।आर्थिकमा अमेरिकालाई जितिसकेको चीन सैन्य क्षेत्रमा ठूलो तयारी गरेर अमेरिकालाई आफ्नो ताकत देखाउन चीन तल्लिन छ । यी सबै दृष्टान्तहरुले चीन युद्धको तयारीमा लागेको रुसको बुझाई रहेको छ ।