उत्तरी सिरियामा अलेप्पो राज्यमा पर्ने एउटा गाउँमा हवाई;हुँदा आक्रमण ४२ को मृत्यु

दमासकस : उत्तरी सिरियाको अलेप्पो राज्यमा पर्ने एउटा गाउँमा अवस्थित एक मस्जिदलाई लक्षित गरी भएको हवाई आक्रमणमा परी बिहीबार कम्तीमा ४२ जनाको मृत्यु भएको छ ।आक्रमणमा परी मारिएका ४२ जना मध्ये अधिकांश आमनागरिक रहेका अनुगमनकर्ताले जानकारी दिएका छन् । अलेप्पो राज्यको राजधानीदेखि पश्चिमतर्फ धेरै टाढा पर्ने जीनेअ भन्ने ठाउमा आक्रमण भएको सिरियन अब्जरभेटरी फर ह्युमन राईटस्ले जनाएको छ । घटनामा परी घाइ्त भएका १० जनाको अवस्था गम्भीर रहेको उद्धारकर्मीले जनाएका छन् ।

सिरियामा सन् २०११ मा राष्ट्रपति बसार अल असदको राजिनामाको माग गर्दै सुरु भएको जनआन्दोलन केही समयपछि गृहयुद्धमा परिणत भएको थियो ।सो गृहयुद्धमा आतंकारी समूह अल कायदा र इस्लामिक स्टेट (आइएस) को प्रभाव बढदै गएको बताईएको छ । सिरियामा जारी यस युद्धमा परी सन् २०११ बाट हालसम्म ३ लाख भन्दा बढी व्यक्तिको मृत्यु भइसकेको छ ।त्यसैगरी लाखौं व्यक्ति घाइते भएका छन भने, लाखौ आफ्नो घर छोडी आफनै देशमा र छिमेकमा पर्ने देशमा शरणार्थीको जीवन विताउन बाध्य भएका छन् । रासस/सिन्ह्वा