सेतो खबरद्वारा प्रकाशित गरिएको हो |
काठमाण्डौँ । शेयर बजार परिसूचक नेप्सेमा भारी गिरावट आएपछि मंगलबारको कारोबार स्थगित गरिएको छ । १ बजेर १३ मिनेटमैं नेप्से ६ प्रतिशतले ओरालो झरेपछि कारोबार स्थगित गरिएको हो ।
कोरोना त्रासका कारण संसारभरिका ठूला स्टक एक्सचेन्जहरूमा आएको भारी गिरावटलाई नेप्सेले पनि पछ्याएको देखिएको छ ।
बजारमा पहिरो जान थालेपछि मंगलबार तीन पटक सर्किट ब्रेकर लागेको थियो । १ हजार ४३५ अंकबाट खुलेको बजार १ हजार ३४९ विन्दुमा ओर्लिएको छ ।
सबै समूह नकारात्मक बनेको मंगलबार सबैभन्दा धेरै जीवन बीमा समूह ९.१ प्रतिशतले घटेको छ । ब्यांकिङ समूह पनि ६. ५८ प्रतिशतले ओरालो लागेको छ । मंगलबार रु. १ अर्ब ७ करोड ६६ लाख मूल्यका १६१ कम्पनीका शेयर किनबेच भएका थिए ।
सबैभन्दा धेरै नेको इन्स्योरेन्स र लाइफ इन्स्योरेन्स कम्पनीका लगानीकर्ताले १०-१० प्रतिशत गुमाएका छन् । यद्यपि, एनआईबीएल समृद्धि फण्डका लगानीकर्ताले ३.७६ प्रतिशत कमाएका छन् ।
१५ फागुनमा नेप्से १ हजार ६३२ अंकको उचाई छोएर लगातार ओरालो लागिरहेको छ ।
वि. सं. २०८१ सालका विवाह, व्रतबन्ध, अन्नप्राशन, गृहारम्भ, गृहप्रवेश, व्यापारिक प्रतिष्ठा जुर्ने दिनहरू। विवाहको मुहूर्त वैशाख ६ र ७ गते असार २७, २८, ३० र ३१ गते मङ्सिर... विस्तृतमा