सेतो खबरद्वारा प्रकाशित गरिएको हो |
काठमाडौँ, चैत्र २६ । संयुक्त अरब इमिरेट्स (यूएई) सँग छिट्टै श्रम सम्झौता हुने भएको छ। श्रम, रोजगार तथा सामाजिक सुरक्षा मन्त्री गोकर्णराज विष्ट र नेपालका लागि यूएईका राजदूत सइद हम्दम अल-नाक्वीबीच आइतबार भएको द्विपक्षीय भेटमा श्रम सम्झौतालाई अन्तिम रूप दिने सहमति भएको हो।
श्रम सम्झौतामा हस्ताक्षर गर्न दुवै पक्ष तयार भएको श्रम मन्त्रालयले जनाएको छ। भेटमा नेपाली श्रमिकको व्यावसायिक सुरक्षा, गुणस्तरीय कार्य, वातावरणको सुनिश्चिततालगायत विषयमा छलफल भएको थियो।
श्रम मन्त्रालयका अनुसार यूएईले नेपाली श्रमिकका लागि यूएई दूतावासबाट कन्सुलर कार्यालय स्थापना गरी सेवा दिने भएको छ। मन्त्री विष्टले नेपाली श्रमिकको स्वास्थ्य परीक्षण नेपालकै सरकारी अस्पतालबाट गराई रोजगारीका लागि पठाउन सकिने व्यवस्था गर्न लागिएको विषयमा राजदूत नाक्वीको ध्यानाकर्षण गराएका थिए।
राजदूत नक्वीले नेपाली युवालाई व्यावसायिक सीप सिकाउन तथा सीपमूलक तालिमका लागि सीप विकास तालिम केन्द्र स्थापनामा सहयोग र सहकार्य गर्न यूएई तयार भएको बताए।
यसैबीच, नेपाली श्रमिकको हितका लागि श्रम सम्झौता समयानुकूल परिमार्जन र प्रभावकारी कार्यान्वयनमा कतार तयार भएको छ। मन्त्री विष्टसँग द्विपक्षीय भेट गर्दै नेपालका लागि कतारका राजदूत युुसुफ विन मोहम्मद अल–हलीले आफ्नो मुलुक नेपाली श्रमिकको हितका लागि काम गर्न तयार भएको बताए। कान्तिपुर दैनिक
वि. सं. २०८१ सालका विवाह, व्रतबन्ध, अन्नप्राशन, गृहारम्भ, गृहप्रवेश, व्यापारिक प्रतिष्ठा जुर्ने दिनहरू। विवाहको मुहूर्त वैशाख ६ र ७ गते असार २७, २८, ३० र ३१ गते मङ्सिर... विस्तृतमा