उदयपुरमा जिप दुर्घटना, ८ जनाको मृत्यु , ३ घाइते

उदयपुर, कार्तिक १३। उदयपुरमा एक यात्रीबहाक जिप दुर्घटना हुँदा ८ जनाको मृत्यु भएको छ । उदयपुरको कटारीबाट ओखलढुंगा जाँदै गरेको ना१ज ३४०४ नंको सुमो जिप आज दिउँसो २ बजे कटारी नगरपालिका–११ मा दुर्घटना हुँदा ८ जनाको मृत्यु भएको हो। दुर्घटनामा तीनजना घाइते भएका छन् । घाईतेलाई उपचारका लागि कटारी लगिएको छ। मृतकको सनाखत हुन सकेको छैन । जिपमा कुल ११ जना सवार थिए ।

जिप कटारी–११को खाँडी भन्ने ठाउँमा सडकबाट ४०० मिटर तल खसेको हो। घट्नाको थप विवरण आउन बाँकी छ।