टिकटका लागि दुई दिनदेखि राजपाका नेता आमरण अनशनमा

राजविराज, कात्तिक १३ ।अगामी मंसिरमा हुन लागेको प्रतिनिधि सभा र प्रदेश सभा निर्वाचनका लागि टिकट वितरणमा भेदभाव भएको भन्दै राजपा ९नेपाल०का नेता लक्ष्मण यादव दुई दिनदेखि आमरण अनशनमा बस्नुभएको छ । राजपा सप्तरी क्षेत्र नं २ का सभापतिसमेत रहनुभएका यादवले नातावाद, पहुँच र व्यक्तिवादका आधारमा पार्टीले टिकट वितरण गरेको आरोप लगाउनुभएको छ ।

जनआन्दोलन र मधेश आन्दोलनका अगुवाइलाई पाखा लगाई नेताहरूले आसेपासे र पहुँचवालालाई टिकट वितरण गरेको आरोप लगाउँदै यादव राजविराजस्थित गजेन्द्र चोकमा अनशनमा बस्नुभएको हो ।

विसं २०४८ देखि तत्कालीन सद्भावना पार्टीबाट राजनीतिमा लागेका उहाँ स्थानीय तह निर्वाचनमा राजविराज नगरपालिकाको प्रमुख पदका आकांक्षी हुनुहुन्थ्यो ।

“नेतृत्वले प्रतिनिधि सभा वा प्रदेश सभा निर्वाचनमा उम्मेदवार बनाउने आश्वासन दिएको थियो,” उहाँले भन्नुभयो । सातबुँदे माग अघि सार्दै उहाँ अनशनमा बस्नुभएको हो । रासस