सेतो खबर
काठमाडौं, असोज ६ । नेकपा एमालेको केन्द्रीय कमिटीको बैठक शुक्रबारबाट काठमाडौंमा सुरु भएको छ। आसन्न प्रदेशसभा र प्रतिनिधिसभा निर्वाचनको तयारीका लागि आवश्यक रणनीति तय गर्न पार्टी केन्द्रीय कमिटी बैठक बोलाइएको हो।
पार्टी केन्द्रीय कार्यालय धुम्बाराहीमा बैठकको शुभारम्भ गर्दै पार्टी अध्यक्ष केपी शर्मा ओलीले आसन्न प्रदेश सभा र प्रतिनिधि सभा निर्वाचनमा बहुमत ल्याउने गरी पार्टीको सम्पूर्ण शक्ति परिचालित हुनेगरी आवश्यक रणनीति तय गर्न बैठक बोलाएको बताए।
उनले अव संगठन निर्माणको कामलाई स्थगित गरेर सम्पूर्ण रुपमा पार्टी प्रदेश सभा र प्रतिनिधि सभा निर्वाचनको तयारीमा जुटने उल्लेख गरे। अध्यक्ष ओलीले प्रदेश नम्बर २ मा हुने प्रदेश सभा र प्रतिनिधि सभा निर्वाचनमा पनि आफ्नो पार्टीले बहुमत ल्याउने दावी गरे।
आगामी मंसीर १० र २१ गते २ चरणमा प्रदेश सभा र प्रतिनिधि सभा निर्वाचन हुँदैछ। सोही निर्वाचनमा बहुमत ल्याउने गरी रणनीति तय गर्न एमालेले केन्द्रीय कमिटी बैठक बोलाएको हो। ३ दिनसम्म चल्ने बैठकमा स्थानीय तहको निर्वाचनको पनि समिक्षा पनि हुनेछ।
काठमाडौं । इरान र इजरायलबीच चर्किएको युद्ध (जसमा अमेरिका समेत संलग्न छ) ले नेपालजस्तो आयात र रेमिट्यान्समा निर्भर अर्थतन्त्रलाई ‘दोहोरो खतरा’ तर्फ धकेल्ने संकेत... विस्तृतमा
