सेतो खबरद्वारा प्रकाशित गरिएको हो |
जेठ १५, काठमाडौं – राष्ट्रिय प्रजातन्त्र पार्टीले दोस्रो चरणको स्थानीय तहको निर्वाचनमा नयाँ उर्जा र उत्साहका साथ भाग लिन पार्टीका नेता कार्यकर्तालाई निर्देशन दिएको छ ।राष्ट्रिय प्रजातन्त्री पार्टीले पहिलो चरणको स्थानीय तहको निर्वाचनमा पराजय हुुनुको कारणबारे समिक्षा गर्न आगामी २१ गते काठमाडौंमा अगुवा कार्यकर्ता भेला समेत बोलाएको छ । पार्टीका अध्यक्ष कमल थापाले आगामी निर्वाचनमा नयाँ उर्जा र उत्साहका साथ भाग लिन पार्टी नेता कार्यकर्तालाई निर्देशन दिएका हुन् । पार्टीको २८ औं स्थापना दिवसको अवसर पारेर सोमबार काठमाडौंमा आयोजित एक कार्यक्रमलाई बोल्दै उनले एउटा निर्वाचनमा पराजय हुँदैमा पार्टीको सिद्धान्त र कार्यक्रम समाप्त भयो भन्ने भ्रममा नपर्न पार्टीका नेता कार्यकर्तालाई आग्रह गरे ।
अध्यक्ष थापाले मुलुकलाई निकास दिने शक्ति आफनो पार्टी मात्रै भएको दावी समेत गरे । उनले समृद्ध नेपाल निर्माण गर्ने अभिभारा आफनो पार्टीले मात्रै पुरा गर्ने तर्क समेत गरे । सो अवसरमा राष्ट्रिय प्रजातन्त्र पार्टीका वरिष्ठ नेता पशुपतिशमशेर राणाले पहिलो चरणको स्थानीय तहको निर्वाचनबाट सचेत हुँदै दोस्रो चरणको निर्वाचनमा सशक्त ढंगले अघि बढन पार्टीका नेता कार्यकर्तालाई निर्देशन दिए । उनले पहिलो चरणको स्थानीय तहको निर्वाचनमा पार्टीले अनपेक्षित परिणाम ल्याएपनि त्यसबाट निरुत्साही हुने अवस्था भने नरहेको दावी पनि गरे ।
काठमाडौँ, २९ फागुन । तीन वर्षअघि नवलपरासीको सुस्ता गाउँपालिका-५, रतनगञ्जका ६५ वर्षीय रामशुभग मुसहर मिटरब्याजी साहुबाट आफूहरूमाथि अन्याय भएको गुनासो लिएर पहिलो पटक... विस्तृतमा