भक्तपुरको चाँगुनारायणमा एमालेको अग्रता कायमै

भक्तपुर, जेठ १५ – चाँगुनारायण नगरपालिकाको नगरप्रमुख र उपप्रमुखमा एमालेले अग्रता कायमै राखेको छ। एमालेका तर्फबाट उम्मेद्वार सोम मिश्रले ६ हजार ७२ मत र उपप्रमुख विना बास्तोलाले ६ हजार ४५३ मतले अग्रता लिएका हुन्। नेपाली कांग्रेसका नगरप्रमुखका उम्मेद्वार राजाराम खड्काले ५ हजार ८३९ मत र उपप्रमुख सरु बाँनियाले ६ हजार ३०२ मतले पछ्याइरहेका छन्।
‘

नेमकिपाका तर्फबाट उम्मेद्वार रहेका न्हुच्छे फोजूले तीन हजार २१४ मत र उपप्रमुख रिता काफ्लेले दुई हजार ६८६, राप्रपाका तर्फबाट नगरप्रमुखका उम्मेदवार रहेका रबिन्द्रप्रताप शाहले तीन हजार ६४० मत, उपप्रमुखकी उम्मेद्वार यवती कार्कीले तीन हजार २२६ मत ल्याएर पछ्याई रहेका छन्। मतगणना सकिएका वडाहरु मध्ये १, २, ५ र ७ मा नेपाली कांग्रेसका समूह विजयी भएको छ भने वडा नं. ३, ४ र ६ मा एमालेको समूह विजयी भएको छ ।