यस्ता छन् गर्मीमा तातो हावा वा ‘लु’ बाट जोगिने उपायहरु

काठमाण्डौँ, १३ बैशाख । दिनानुदिन देशभर गर्मी बढ्दै गईरहेको छ । तराईका जिल्लाहरुमा अत्यधिक गर्मीका कारण ‘लु’ लाग्ने समस्या देखिन थालेको स्वास्थ्य तथा जनसंख्या मन्त्रालयले जनाएको छ।

लु लागेमा तुरुन्तै स्वास्थ्य संस्था जान पनि मन्त्रालयले आग्रह गरेको छ ।

गर्मीमा तातो हावा वा ‘लु’बाट जोगिने उपायहरु

• दिउँसो घरबाट बाहिर ननिस्किने
• फलफूलको रस र पानी पिउने र धेरै पसिना आएमा कहिलेकाँही जीवनजल पिउने
• खेतबारीमा कामकाज सकभर बिहान वा बेलुका गर्ने
• क्याफिनले धेरै पिसाब लाग्ने हुँदा चिया, कफी, सोडा जस्ता पेयपदार्थ नपिउने
• बाहिर निस्कनै परे पातलो कपडाले टाउको छोप्ने वा छाता ओढ्ने
• चिसो पानीले नुहाउने
• मदिरा सेवन नगर्ने
• चिनीको मात्रा बढी भएको झोल पदार्थ बढी नपिउने

तातो हावा तथा लु लाग्दाका असरहरु

• हृदयको गति तीव्र हुने
• श्वासप्रश्वास र रक्तचाप कम हुने
• शरीरबाट पसिना ननिस्किने, टाउको अत्यधिक दुख्ने
• चक्कर लाग्ने, अचेत हुने
• शरीरको तापक्रम १०४ डिग्री फरेनहाइट भन्दा बढी हुने
• छाला सुख्खा, रातो र तातो हुने