सेतो खबर
अजमल अन्सारी / सुनसरी । सुनसरी जिल्लाको प्रमुख जिल्ला अधिकारी इन्द्रदेव यादवले जिल्लाका जनताको गुनासो सुनुवाई गर्न गाउँहरुमा पुगेर स्थानीय जनतासँग अन्तरक्रिया गर्दै जिल्ला दौडाह अभियानमा निस्किएका छन् ।
जिल्लाका नगरपालिका तथा गाउँपालिका र पालिकाहरुको मातहतमा रहेको वडा कार्यालयहरुले सेवाग्राहीलाई सेवा कसरी दिइरहेको छ, विकास निर्माणको अवस्था के छ, स्थानीय जनताले सहज रुपमा सेवा पाएका छन् कि छैनन्, जनप्रतिनिधिहरुले सेवा प्रवाहमा पक्षपात गरेका छन् कि छैनन् लगायका विषयमा वडामै पुगेर जनतासँग प्रत्यक्ष अन्तरक्रिया कार्यक्रम सञ्चाल गरिएको छ ।
त्यसैगरी वडा कार्यालय, नगरपालिका तथा गाउँपालिका र जिल्ला प्रशासन कार्यालयसँगै जोडिएका स्थानीय जनताको गुनासोहरुको बारेमा पनि अन्तरक्रिया कार्यक्रममा छलफल गर्ने गरिएको जिल्ला प्रशासन कार्यालय सुनसरीका प्रमुख जिल्ला अधिकारी इन्द्रदेव यादवले बताए ।
सुनसरी जिल्लाको २ उपमहानगरपालिका, ४ नगरपालिका र ६ गाउँपालिकाका गरि १२ वटा स्थानीय तहको १ सय २४ वटै वडामा पुगेर प्रमुख जिल्ला अधिकारीले नागरिकका गुनासो सुन्ने कार्यक्रम रहेको प्रजिअ यादवले बताए ।
जिल्लाका सबै वडामा पुगि नागरिकका गुनासो सुन्ने र समस्या समाधानको लागि पहल गर्ने कार्ययोजना बनाई प्रमुख जिल्ला अधिकारी गाउँ गाउँमा निस्किएका हुन् । सोही क्रममा बुधबार देवानगन्ज गाउँपालिकामा पुगेर स्थानीयको गुनासो सुन्नुका साथै सुझावहरु संकलन गरेका छन् ।
कार्यालयहरुलाई पारदर्शिता र सुशासन कायम गर्दे गुणस्तरीय सेवा प्रवाह गर्न निर्देशन दिएका छन् । स्थानीयको गुनासो गरेको समस्या समाधानको लागि आफूले सक्नेसम्म तत्कालै पहल गर्ने बताएका छन् । विकास निर्माणको काममा गुणस्तरमा जोड दिन प्रजिअ यादवले जनप्रतिनिधिलाई आग्रह गरेका छन् । साथै वडाबाट जिल्ला प्रशासन कार्यालयमा सेवा लिन आउने सेवाग्राही वडाबाट ल्याउनु पर्ने कागजपत्र अपुरो लिएर आउने गरेको भन्दै सेवाको प्रकृति अनुसार आवश्यक पर्ने कागजपत्र र प्रक्रियाको बारेमा समेत जानकारी गराउने गरेका छन् ।
संघीय, प्रदेश र स्थानीय तहका कार्यालय सम्बन्धी कुनै गुनासो समस्या स्थानीय स्तरमा सरोकारवालाको भेला मार्फत बुझ्ने र समस्या समाधानको लागि समन्वय गर्ने प्रजिअ यादवले बताउनुभयो । हालसम्ममा इटहरी उपमहानगरपालिकाको खनार, धरान उपमहागरपालिकाको खोला अतिक्रमणको बारेमा छलफल र देवानगन्ज गाउँपालिकाको सडक अतिक्रमण हटाउने सम्बन्धि सम्वाद भएको बताउनुभयो ।
भोलि मे १२ तारिख नेपाल र चीनबीच बीआरआईको साझेदारीपत्रमा हस्ताक्षर भएको पाँच वर्ष पुग्दैछ। सन् २०१७ को मे १२ मा यो साझेदारीपत्रमा हस्ताक्षर भए यताका पाँच वर्षमा चीनका... विस्तृतमा
