आरआरमा स्ववियू चुनाव, भित्र मतदान, बाहिर नारावाजी र झडप

काठमाडौं– तनावकाबीच प्रदर्शनीमार्गस्थित रत्नराज्य (आरआर) क्याम्पसमा स्वतन्त्र विद्यार्थी युनियन (स्ववियु) निर्वाचन भइरहेको छ । भने बाहिर चुनावका विषयमा विवाद बढ्दा विद्यार्थी र प्रहरीबीच झडप भएको छ । झडपमा केही विद्यार्थी घाइते भएका जनाइएको छ ।
प्रहरीका अनुसार सत्तारुढ दल नेकपा माओवादी केन्द्र निकट अखिल क्रान्तिकारी, नेपाली कांग्रेस निकट नेवि संघलगायत केही विद्यार्थी संगठनले चुनाव विथोल्न खोजेपछि झडप भएको भएको हो ।
शुरुमा फागुन १८ मा देशका अधिकांश क्याम्पसमा चुनाव हुँदा आरआरमा रोकिएको थियो । अर्को मिति फागुन २३ का लागि तय भएको थियो ।

तर, आरआरको स्ववियु चुनाव निर्वाचन आयोगको निर्देशनपछि रोकिएको थियो । पछि सर्वोच्च अदालतले चुनाव रोक्ने निर्णय कार्यान्वयन नगर्न अन्तरिम आदेश दिएपछि आज चुनाव शुरु भएको हो ।